قومی خبریں

راجستھان میں راجیہ سبھا کی چار سیٹوں کے لئے کل جمعہ کو ووٹنگ

محکمہ الیکشن کے مطابق ووٹنگ کی تمام تیاریاں مکمل کر لی گئی ہیں اور پولنگ 10 جون کو صبح 9 بجے سے شام 4 بجے تک ہوگی۔ اس کے بعد 5 بجے سے ووٹوں کی گنتی شروع ہوگی

راجیہ سبھا / فائل تصویر
راجیہ سبھا / فائل تصویر 

جےپور: راجستھان میں راجیہ سبھا کی چار سیٹوں کےلئے جمعہ کی صبح نو بجے ووٹنگ شروع ہوگی۔ محکمہ الیکشن کے مطابق ووٹنگ کی تمام تیاریاں مکمل کر لی گئی ہیں اور پولنگ 10 جون کو صبح 9 بجے سے شام 4 بجے تک ہوگی۔ اس کے بعد 5 بجے سے ووٹوں کی گنتی شروع ہوگی۔

آئندہ چار جولائی کو ریاست میں خالی ہونے والی چار راجیہ سبھا سیٹوں پر ہونے والے اس انتخاب میں رندیپ سرجے والا، کانگریس کے مکل واسنک اور پرمود تیواری اور بھارتیہ جنتا پارٹی (بی جے پی) کے گھنشیام تیواری اور بی جے پی کے حمایت یافتہ اور آزاد امیدوار سبھاش چندرا میدان میں ہیں۔

Published: undefined

اسمبلی میں ایم ایل اے کی تعداد کی بنیاد پر کانگریس کی دو اور چار سیٹوں میں سے ایک پر بی جے پی کی جیت یقینی سمجھی جا رہی ہے، جب کہ چوتھی سیٹ کے لیے بھی مقابلہ ہوگا، جس کے بارے میں خیال کیا جاتا ہے کہ ایک کانگریس امیدوار اور ایک آزادامیدوار کے درمیان مانا جارہا ہے۔

واضح رہے کہ اس الیکشن کے لیے ایم ایل اے 2 جون کو جے پور سے نکلے تھے تاکہ اپنے اور اپنے حمایت یافتہ ایم ایل ایز کو خرید فروخت اور سیندھ ماری سے بچانے کے لیے ادے پور میں باڑےبندی کی جا سکے اور بعد میں وزیر اعلی اشوک گہلوت بھی باڑے بندی میں پہنچے۔ کانگریس ایم ایل ایز کے علاوہ آزاد اور بھارتیہ ٹرائبل پارٹی (بی ٹی پی) ایم ایل ایز نے باڑے بندی میں حصہ لیا۔ اس دوران راجیہ سبھا انتخابات کے بارے میں معلومات اور حکمت عملی پر مختلف سیشن منعقد کیے گئے اور تبادلہ خیال کیا گیا۔

Published: undefined

کانگریس کے اراکین اسمبلی نے آج دوبارہ جے پور لوٹنا شروع کردیا ہے اور وہ آج یہاں ایک ہوٹل میں قیام کریں گے اور جمعہ کو براہ راست ووٹنگ کے لیے اسمبلی پہنچیں گے۔

کانگریس کے بعد بی جے پی نے بھی 6 جون سے جے پور کے ایک ہوٹل میں اپنے ایم ایل ایز کو روکنا شروع کردیا۔ حالانکہ بی جے پی اسے بی جے پی ایم ایل اے ابھیاس ورگ کا نام دے رہی ہے اور اس دوران مختلف موضوعات پر مختلف سیشنز کا انعقاد کیا جا رہا ہے۔ یہ بی جے پی ایم ایل اے بھی جمعہ کو ہوٹل سے براہ راست پولنگ بوتھ پہنچیں گے۔

Published: undefined

ریاست کی 200 سیٹوں والی اسمبلی میں کانگریس کو 108، بی جے پی کو 71، آزاد امیدواروں کو 13، راشٹریہ لوک تانترک پارٹی (آر ایل پی اے) کو تین، کمیونسٹ پارٹی آف انڈیا (سی پی آئی-ایم) اور ٹرائبل پارٹی آف انڈیا (بی ٹی پی) نے دو دو اور راشٹریہ لوک دل کا ایک ایم ایل اے ہے۔

کانگریس اس الیکشن میں اپنے ساتھ دو بی ٹی پی، دو سی پی آئی (ایم) اور آزاد امیدواروں کے ساتھ 126 ووٹ حاصل کرنے کا دعویٰ کر رہی ہےاور وہ اپنے تینوں امیدواروں کی جیت کا یقین کر رہی ہے۔ دوسری طرف، بی جے پی آزاد امیدوار کی حمایت کر رہی ہے اور اپنے امیدوار کے علاوہ، وہ بھی آزاد امیدوار کی جیت کی امید لگائے ہوئے ہے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined