وینزویلا کے صدر پر ڈرون سے حملہ، بال بال بچے

کراکس:

وینزویلا کے صدر نکولس مادورو نے کہا ہے کہ ہفتہ کو ان کے قتل کے لئے ڈرون میں دھماکہ خیز مادہ کا استعمال کیا گیا تھا لیکن خدا کے فضل سے وہ صحیح سلامت ہیں۔

مادورو نے یہ بھی کہا ہے کہ اس میں کولمبیا اور امریکہ کا ہاتھ ہے اور دائیں بازو کے گروپ نےاس سازش کو انجام دیا ہے۔ انہوں نے بتایا کہ ابھی تک کی جانچ سے یہی ظاہر ہوتا ہے کہ یہ سازش پڑوسی ملک کولمبیا میں رچی گئی اور اس میں دائیں بازو کا ہاتھ ہے۔ اس معاملے میں کچھ لوگوں کو گرفتار بھی کیا گیا ہے۔

انہوں نے کہا ’’دھماکہ خیز مادہ سے لیس ڈرون میری طرف آ رہا تھا لیکن آپ لوگوں کی محبت نے ایک ڈھال کی طرح کام کیا اور مجھے یقین ہے کہ میں ابھی اور زیادہ وقت تک آپ کے درمیان رہوں گا۔‘‘