پریاگ راج میں اُمیش پال اور ان کے گنر کا دن دہاڑے قتل کیے جانے کے معاملے میں یوپی پولیس نے اپنے انداز میں کارروائی شروع کر دی ہے۔ قتل میں شامل بتائے جا رہے ایک ملزم کو پولیس نے انکاؤنٹر میں ڈھیر کر دیا ہے۔ ہلاک ملزم کا نام ارباز بتایا جا رہا ہے۔ میڈیا رپورٹس کے مطابق ایس او جی اور پریاگ راج پولیس نے یہ انکاؤنٹر نہرو پارک کے جنگل میں کیا ہے۔ باقی ملزمین کی تلاش تیز کر دی گئی ہے۔
Published: undefined
واضح رہے کہ بی ایس پی رکن اسمبلی راجو پال قتل معاملہ کے اہم گواہ امیش پال کا جمعہ کی شام اتر پردیش کے پریاگ راج میں ان کی رہائش پر گولی مار کر قتل کر دیا گیا تھا۔ پریاگ راج میں ہنڈئی کریٹا ایس یو وی کی پچھلی سیٹ سے اتر رہے اُمیش پال کا گولی مار کر قتل کر دیا گیا تھا۔ پال کو سوروپ رانی نہرو اسپتال لے جایا گیا جہاں علاج کے دوران ان کی موت ہو گئی۔ پال کی پوسٹ مارٹم رپورٹ میں انکشاف ہوا کہ اسے سات گولیاں ماری گئی تھیں۔
Published: undefined
قتل کے بعد اُمیش پال کی بیوی جیہ پال نے پریاگ راج پولیس سے رابطہ کیا اور ایف آئی آر درج کرائی تھی۔ سابق رکن پارلیمنٹ عتیق احمد کے بھائی، بیوی شائستہ پروین اور ان کے بیٹوں و کئی دیگر لوگوں کے خلاف تعزیرات ہند کی مختلف دفعات میں معاملہ درج کیا گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined