سپریم کورٹ کالیجیم کے فیصلے سے ناراض مدراس ہائی کورٹ کی چیف جسٹس وجیا کملیش تاہل رمانی اپنے عہدے مستعفی ہو گئی ہیں ۔ انہوں نے اپنے ٹرانسفر کے فیصلے کے خلاف ناراضگی کا اظہار کرتے ہوئے جمعہ کی رات اپنا استعفی صدر جمہوریہ رام ناتھ کووند کو بھیج دیا ۔
Published: 07 Sep 2019, 5:10 PM IST
واضح رہے سپریم کورٹ کالیجیم نے چیف جسٹس وجیا تاہل رمانی کا مدراس ہائی کورٹ سے میگھالیہ ہائی کورٹ تبادلہ کر دیا ہے۔ کالیجیم کے اس فیصلہ کے خلاف انہوں نے اپنا استعفی صدر کو بھیجا ساتھ میں اس کی کاپی چیف جسٹس آف انڈیا رنجن گوگئی کو بھی بھیجی ہے ۔ چیف جسٹس رنجن گوگوئی کی سربراہی میں کالیجیم نے وجیا کے میگھا لیہ ہائی کورٹ میں تبادلہ کی سفارش کی تھی ۔ وجیا کو گزشتہ سال 8 اگست کو ہی مدراس ہائی کورٹ کا چیف جسٹس بنایا گیا تھا۔
Published: 07 Sep 2019, 5:10 PM IST
واضح رہے کہ کالیجیم نے وجیا تاہل رمانی کے تبادلہ کی سفارش 28 اگست کو کی تھی جس پر وجیا نے دوبارہ غور کرنے کے کی درخواست کی لیکن رنجن گوگئی کی سربراہی والے کالیجیم نے ان کی یہ درخواست مسترد کر دی ۔کالیجیم میں دوسرے ان کے علاوہ جسٹس ایس اے بوڈبے، این وی رمنا ، ارون مشرا اور آر ایف نریمن شال ہیں ۔ کالیجین نے میگھالیہ ہائی کورٹ کے چیف جسٹس اے کے متل کا تبادلہ مدراس ہائی کورٹ میں کیا جبکہ چیف جسٹس وجیا کا تبادلہ میگھالیہ ہائی کورٹ کرنے کا فیصلہ کیا تھا۔
Published: 07 Sep 2019, 5:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 07 Sep 2019, 5:10 PM IST
تصویر بشکریہ جمال عباس فہمی
تصویر: سوشل میڈیا