کانگریس کے لوک سبھا رکن اور انفارمیشن-ٹیکنالوجی (آئی ٹی) کی وزارت سے متعلق پارلیمنٹ کی اسٹینڈنگ کمیٹی کے صدر ششی تھرور نے کہا ہے کہ سوشل میڈیا پلیٹ فارم ٹویٹر کو ہندوستان میں کام کرتے ہوئے ہمارے ضابطوں کو ماننا پڑے گا۔
Published: 26 Jun 2021, 6:40 AM IST
تھرور نے جمعہ کے روز آئی ٹی وزیر روی شنکر پرساد کے ٹویٹر اکاؤنٹ کو کچھ دیر کے لیے بلاک کیے جانے پر کہا کہ ٹویٹر نے ان کا اکاؤنٹ بلاک کیا ہے۔انہوں نے کہا،’آئی ٹی کی وزارت کی پارلیمانی کمیٹی کے صدر کے ناطے‘ وہ ٹویٹر انڈیا سے روی شنکر پرساد کا اور میرا اکاؤنٹ بلاک کرنے کے بارے میں وضاحت طلب کریں گے۔ ہندوستان میں کام کرتے ہوئے انھیں ہمارے ضابطوں کو ماننا پڑے گا‘۔
Published: 26 Jun 2021, 6:40 AM IST
واضح رہے ٹویٹر نے امریکی قانون کا حوالہ دیتے ہوئے مواصلات ، الیکٹرانکس اور انفارمیشن ٹکنالوجی کے وزیر روی شنکر پرساد کے اکاؤنٹ کو ایک گھنٹے کے لئے بند کردیا تھاجس کو روی شنکر پرساد نے ٹویٹر کی ملک کے نئے قانون کی خلاف ورزی قرار دیا۔
Published: 26 Jun 2021, 6:40 AM IST
روی شنکر پرساد نے اس بارے میں ٹویٹر کو ہدف تنقید بنایا ہے۔ تاہم ، ٹویٹر کا کہنا ہے کہ انہوں نے کمپنی کی پالیسی کی خلاف ورزی کی ہے۔ تقریبا ایک گھنٹے کے بعد کمپنی نے ان کا اکاؤنٹ اوپن کردیا۔مسٹر پرساد نے ٹویٹر کا اسکرین شاٹ پہلے کرو ایپ پر شیئر کیا ۔ اس کے بعد انہوں نے ٹویٹر پر اسکرین شاٹس شیئر کئے ہیں۔ انہوں نے کہا ہے کہ ٹوئٹر نے ان کے اکاؤنٹ کو ایک گھنٹے کے لئے بند رکھا۔
Published: 26 Jun 2021, 6:40 AM IST
روی شنکر پرساد نے اپنے ٹویٹ میں کہا ہے کہ ٹویٹر کا یہ اقدام ہندوستانی قانون کی خلاف ورزی ہے۔ انہوں نے کہا ہے کہ ٹویٹر کی نیت ٹھیک نہیں ہے اور اب یہ بات سمجھ میں آچکی ہے کہ ٹویٹر آئی ٹی قوانین پر عمل کیوں نہیں کرنا چاہتا ہے۔
Published: 26 Jun 2021, 6:40 AM IST
قابل ذکر ہے کہ ملک میں نئے قوانین کے حوالے سے حکومت اور ٹویٹر کے مابین تنازع برقرار ہے۔ تاہم ، ٹویٹر نے ابھی تک روی شنکر پرساد کے اکاؤنٹ کو لاک کرنے سے متعلق کوئی بیان نہیں دیا ہے۔
Published: 26 Jun 2021, 6:40 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 26 Jun 2021, 6:40 AM IST
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم