مہاراشٹر میں آسمانی بجلی گرنے سے تین افراد ہلاک ہوئے

اورنگ آباد: مہاراشٹر کے مراٹھواڑہ خطہ کے ناندیڑ ضلع کے بھوکر تعلقہ کے پالاج گاؤں میں منگل کی شام تیز ہواؤں کے ساتھ بارش کے دوران آسمانی بجلی گرنے سے تین کھیت مزدوروں کی موت ہو گئی۔

رپورٹس میں بتایا گیا ہے کہ یہ واقعہ کل شام اس وقت پیش آیا جب پالاج گاؤں میں کھیت مزدور اپنے کھیتوں میں کام کر رہے تھے اور تیز ہوا کے ساتھ بارش شروع ہو گئی۔ اس کے بعد وہ درخت کے نیچے کھڑے تھے کہ ان پر آسمانی بجلی گر گئی جس میں وہ ہلاک ہو گئے۔

مرنے والوں کی شناخت سائیناتھ ستناور (30)، راجیشور ستلاوار (40) اور بوجنا رامناور (32) کے طور پر کی گئی ہے، سبھی پالاج گاؤں کے رہنے والے ہیں۔ لاشوں کا گاؤں میں ہی پنچناما کیا گیا اور لاشوں کو پوسٹ مارٹم کے لیے اسپتال بھیج دیا گیا۔

واقعہ کے بعد تحصیلدار، گاؤں کے پولیس پاٹل کے ساتھ پولیس ٹیم موقع پر پہنچی اور پنچنامہ تیار کر کے لاشوں کو پوسٹ مارٹم کے لیے بھوکر اسپتال بھیج دیا۔