نئی دہلی: وزیر اعظم نریندر مودی نے کورونا وبا کی وجہ سے پیدا صورتحال کو’سماجی ایمرجنسی‘ قرار دیتے ہوئے بدھ کو کہا کہ کئی ریاستی حکومتوں، ضلع انتظامیہ اور ماہرین نے لاک ڈاؤن کی مدت بڑھانے کو کہا ہے۔ قابل ذکر ہے کہ کورونا وبا کی وجہ سے ملک میں 21 دن کا لاک ڈاؤن کیا گیا ہے جس کی مدت 14 اپریل کو ختم ہونی ہے۔
Published: undefined
وزیر اعظم مودی نے ملک میں کورونا وبا کی وجہ سے پیدا صورتحال پر سیاسی جماعتوں کے قانون ساز جماعتوں کے رہنماؤں کے ساتھ بدھ کو یہاں ویڈیو کانفرینس کے ذریعے ایک میٹنگ میں حصہ لیتے ہوئے کہا، ”ملک میں ’سماجی ایمرجنسی‘ جیسی صورت حال ہے اور اس کے پیش نظر حکومت کو کئی سخت فیصلے کرنے پڑے ہیں۔ ہمیں اب بھی مکمل طور محتاط رہنے کی ضرورت ہے۔ انہوں نے کہا کہ مختلف ریاستی حکومتوں، ضلع انتظامیہ اور ماہرین نے لاک ڈاؤن کی مدت بڑھانے کو کہا ہے“۔
Published: undefined
وزیراعظم نریندر مودی کورونا وبا سے لڑنے کے لئے آئندہ حکمت عملی بنانے کی خاطر ملک کے وزرائے اعلی کے ساتھ 11 اپریل کو بات چیت کریں گے۔ ذرائع کے مطابق وزیر اعظم مودی نے ان وزرائے اعلی کے ساتھ ویڈیو کانفرنسنگ کے ذریعہ بات چیت کریں گے اور صورتحال کا جائزہ لیں گے۔
Published: undefined
کورونا بحران کو حل کرنے کے لئے مودی کی وزرائے اعلی کے ساتھ یہ دوسری بار ویڈیو کانفرنسنگ ہوگی۔ بدھ کے روز وزیر اعظم مودی نے اس معاملہ پر کل جماعتی میٹنگ کی۔ذرائع کے مطابق مودی لاک ڈاون بڑھانے کے بارے میں ان وزرائے اعلی کی رائے اور مشورے بھی لیں گے اور اس وبا سے لڑنے میں پیش آرہی ان کی پریشانیوں اور دقتوں کو بھی سنیں گے۔
Published: undefined
خیال رہے کہ کچھ ریاستوں نے لاک ڈاون بڑھانے کی مانگ کی ہے تو کیرالہ نے ریاست میں مرحلہ وار طریقہ سے لاک ڈاون کرنے اور کھولنے کا بھی مشورہ دیا ہے۔ ذرائع کے مطابق میٹنگ میں وزرائے اعلی اپنی ریاستوں میں کورونا وائرس کی روک تھام کے لئے طبی سہولیات کی فراہمی کی بھی مانگ کرسکتے ہیں اور ایک دوسرے کو خود کے اقدامات سے بھی واقف کرائیں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined