قومی خبریں

یوپی نگر پالیکا پریشد کے ضمنی انتخاب میں سماجوادی پارٹی ہوئی کامیاب، بی جے پی پانچویں مقام پر رہی

محمود آباد میں نگر پالیکا پریشد کے صدر کے عہدے کے ضمنی انتخاب میں سماج وادی پارٹی کے امیدوار عامر عرفات نے 8906 ووٹ حاصل کر کے کامیابی حاصل کی اور بی جے پی پانچویں نمبر پر رہی۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

 

اتر پردیش کے سیتا پور ضلع میں محمود آباد نگر پالیکا پریشد کے صدر کے عہدے کے لیے ہوئے ضمنی انتخاب کے نتائج جاری کر دیے گئے ہیں۔کل یعنی  13 اگست کو ہونے والے ضمنی انتخاب کے نتائج  نے سب کو حیران کر دیا۔ سماج وادی پارٹی نے اس ضمنی انتخاب میں کامیابی حاصل کی ہے اور حیرانی کی بات یہ ہے کہ اس انتخاب میں بی جے پی پانچویں نمبر پر رہی۔ ایس پی سربراہ اکھلیش یادو نے اس ضمنی انتخاب میں ایس پی کی جیت پر کارکنوں کو مبارکباد دی ہے۔

Published: undefined

ایس پی سربراہ اکھلیش یادو نے سوشل میڈیا اکاؤنٹ ایکس پر لکھا - "سیتا پور کے محمود آباد نگر پالیکا انتخابات میں سماج وادی پارٹی کی جیت حوصلہ بڑھانے والی ہے۔ پانچویں نمبر پر بی جے پی کا آنا یوپی کی مستقبل کی سیاست کا اشارہ ہے۔ جیتنے والے امیدوار سمیت تمام عہدیداروں، کارکنوں کو دل کی گہرائیوں سے مبارکباد اور اچھے کام کرنے کے لیےنیک خواہشات۔ بی جے پی گئی!‘‘

Published: undefined

محمود آباد میں نگر پالیکا پریشد کے صدر کے عہدہ کے ضمنی انتخاب میں ایس پی امیدوار عامر عرفات نے 8906 ووٹ حاصل کر کے جیت حاصل کی اور اس انتخاب میں آزاد اتل کمار ورما دوسرے نمبر پر رہے، جنھیں 8331 ووٹ ملے۔ پانچویں نمبر پر آنے والے بی جے پی امیدوار سنجے ورما کو صرف 1332 ووٹ ملے۔ تیسرے نمبر پر آنے والے امریش گپتا کو 4423 ووٹ ملے جبکہ چوتھے نمبر پر آنے والے ندیم احمد کو 1820 ووٹ ملے۔

Published: undefined

اب محمود آباد میں بی جے پی کی شکست کو لے کر کئی سوال اٹھ رہے ہیں اور بی جے پی کی یہ شکست یوپی کے سیاسی گلیاروں میں موضوع بحث بن گئی ہے۔ جبکہ کچھ لوگ کہہ رہے ہیں کہ اس کی وجہ ٹکٹ کے انتخاب پر ناراضگی ہے۔ اگر مقامی کارکنوں کی مانیں تو پارٹی نے ٹکٹ کے لیے دو مضبوط دعویداروں کو نظر انداز  کر سنجے ورما کو امیدوار بنایا، جو ہار کی بڑی وجہ رہی ہے۔

Published: undefined