ممبئی: بامبے ہائی کورٹ نے منگل کے روز مہاراشٹر کے اقلیتی امور کے وزیر نواب ملک کی جانب سے منی لانڈرنگ کے ایک معاملے میں ان کی گرفتاری کو چیلنج کرنے والی اور ان کی گرفتاری کو غیر قانونی و غیر آئینی قرار دیئے جانے کا مطالبہ کرنے والی عرضداشت کو مسترد کر دیا ہے۔
Published: undefined
جسٹس پی بی ورالے اور جسٹس ایس ایم موڈک پر مشتمل دو رکنی بنچ نے تین دنوں تک جاری رہنے والے فریقین کے وسیع دلائل کی سماعت کے بعد یہ حکم جاری کیا۔ نواب ملک نے اپنی گرفتاری کو غیر قانونی قرار دیتے ہوئے ہیبیس کارپس کی درخواست دائر کی تھی اور اپنے خلاف درج ایف آئی آر کو منسوخ کرنے کا بھی مطالبہ کیا تھا۔
Published: undefined
عدالت نے کہا کہ عرضی میں بہت سے موضوعات ہیں جن پر بحث ہونا باقی ہے۔ عدالت نے کہا کہ درخواست پر سماعت کی تاریخ بعد میں طے کی جائے گی تاہم ابھی کوئی عبوری راحت نہیں دی جا سکتی۔ نواب ملک اس وقت عدالتی حراست میں ہیں۔
Published: undefined
مہاراشٹر کے اقلیتی امور کے وزیر اور نیشنلسٹ کانگریس پارٹی کے چیف ترجمان نواب ملک کو 23 فروری کو ای ڈی نے مفرور گینگسٹر داؤد ابراہیم اور اس کے ساتھیوں کی سرگرمیوں سے متعلق منی لانڈرنگ کیس کی تحقیقات کے سلسلے میں گرفتار کیا تھا۔ وزیر کو پہلے ای ڈی کی حراست میں اور بعد میں عدالتی حراست میں بھیجا گیا۔
Published: undefined
ملک کے وکیل سینئر ایڈوکیٹ امت دیسائی نے پہلے ہائی کورٹ کو بتایا تھا کہ وزیر کی گرفتاری اور بعد میں نظربندی غیر قانونی ہے۔ انہوں نے اپیل کی کہ گرفتاری منسوخ کی جائے اور انہیں فوری طور پر حراست سے رہا کر کے عبوری راحت فراہم کی جائے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined