قومی راجدھانی بدستور زہریلی ہوا میں قید،اے کیو آئی پہنچا 325، مستقبل قریب میں کوئی راحت کی امید نہیں

راجدھانی دہلی کو اتوار کے روز بھی زہریلی ہوا سے کوئی راحت نہیں ملی۔ گزشتہ دو ماہ زیادہ عرصہ سے یہاں اے کیو آئی کم ہونے کا نام نہیں لے رہا ہے۔ جبکہ گریپ ۔3 اور گریپ ۔4 جیسے ف اقدامات بھی حکومت کی جانب سے نافذ کئے گئے تھے باوجود اس کے کوئی خاص راحت نہیں ملی۔ مرکزی آلودگی کنٹرول بورڈ کے مطابق دہلی کا اوسط اے کیو آئی325  ریکارڈ کیا گیا ہے جو کہ معمول سے زیادہ خطرناک ہے۔ اس کا مطلب ہے کہ یہ خطرے کے زمرے میں برقرار ہے۔ اس کی بڑی وجہ پی ایم 2.5  اورپی ایم 10 کی سطح بہتر نہ ہونا بتائیا گیا ہے۔

آلودگی کی صورتحال کو دیکھتے ہوئے دہلی والوں کو صلاح دی گئی ہے کہ باہر کم سے کم نکلیں۔ اس کے ساتھ ہی این95 ماسک استعمال کریں۔ مزید برآں مستقبل قریب یعنی دسمبر کے وسط تک اے کیو آئی میں کسی طرح کی بہتری کے کوئی آثار نظر نہیں آرہے ہیں۔ جبکہ آج راجدھانی میں موسم صاف رہنے کی پیش گوئی گئی ہے۔ اس دوران کم سے کم درجہ حرارت 11 ڈگری سیلسیس اور زیادہ سے زیادہ 23 ڈگری سیلسیس رہنے کا امکان ہے۔

بتادیں کہ اے کیو آئی کو اس کے پیرامیٹرز کی بنیاد پر سنگین یا انتہائی سنگین زمرے میں ڈالا جاتا ہے۔ اے کیو آئی جہاں 300  سے اوپر ہے وہاں سنگین یا خطرناک جبکہ 300 سے نیچے اور200 کے درمیان خراب، جوصحت کے نقصاندہ ہوتا ہے وہیں 200 سے 100 کے درمیان ہونے پراحتیاط ضروری ہوتی ہے۔ اسی طرح 51 سے 100 کے درمیان اطمینان بخش اور 0 سے 50  اے کیو آئی کی سطح سے کوئی خطرہ نہیں ہوتا ہے حالانکہ جب اے کیو آئی 400 سے تجاوز کر جائے تو صورتحال انتہائی خطرناک ہو جاتی ہے اور لوگوں کو باہر نہ نکلنے کا مشورہ دیا جاتا ہے۔

ماہرین کے مطابق دہلی کا اے کیو آئی اس وقت انتہائی خراب خاص طور پر بچوں اور بزرگوں کے لئے جان لیوا ثابت ہوسکتا ہے۔ ایسی صورتحال میں زیادہ دیر تک باہر رہنے سے پھیپھڑوں کی سنگین بیماری سے متاثر ہو سکتے ہیں۔ آلودگی کنٹرول بورڈ اور آئی ایم ڈی کے مطابق آئندہ ایک ہفتے سے زیادہ عرصے سے اے کیو آئی سے کوئی راحت نہیں ملی ہے۔ یہی سلسلہ ابھی کچھ دن اور جاری رہ سکتا ہے۔