ممبئی: مہاراشٹر میں گریجویٹ وٹیچر حلقہ کی،6 نشستوں پر ہونے والے انتخاب میں بی جے پی کی بری طرح سے شکست کو مہاداشٹر کے کابینی وزیر برائے اقلیتی بہبود نواب ملک نے بی جے پی کی الٹی گنتی قراردیا ہے۔ انہوں نے کہا ہے کہ اس انتخاب میں مہاوکاس اگھاڑی کے امیدوراوں کی کامیابی اس بات کا ثبوت ہے کہ تعلیم یافتہ رائے دہندگان نے اگھاڑی حکومت کے قیام اور اس کے ایک سال کے کام کاج سے لوگ مطمئن ہیں۔ اس انتخاب میں تعلیم یافتہ ووٹرس اپنی رائے دہی کا استعمال کرتے ہیں اور مہاوکاس اگھاڑی امیدواروں کی کامیابی سے یہ ظاہر ہوتا ہے کہ یہ تعلیم یافتہ طبقہ حکومت سے مطمئن ہے۔
Published: undefined
نواب ملک نے کہا کہ بی جے پی عوام کی پارٹی نہیں ہے بلکہ یہ صنعتکاروں ودھنا سیٹھوں کے مفاد کی نگہبانی کرنے والی ایک پارٹی ہے، جسے عوام اب پوری طرح مسترد کررہی ہے۔ انہوں مزید نے کہا کہ بی جے پی کے لیڈران دیگر پارٹیوں سے بی جے پی میں شامل ہونے والے لیڈران کو یہ اطمیان دلاتے رہے ہیں کہ ریاست میں ان کی حکومت قائم ہوگی، مگر اس انتخاب میں اپنی ہزیمت کے بعد اب ان کے حوصلے پست ہوئے ہیں جس کا اثر ان کے تنظیمی سطح پر بھی ظاہر ہوگا۔ یہ دراصل اس بات کی علامت ہے کہ بی جے پی کی الٹی گنتی اب شروع ہوچکی ہے اور عوام کی جانب سے اب اسے مسترد کیے جانے کی شروعات ہوچکی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined