قومی خبریں
تلنگانہ: اسکول کے دوپہر کے کھانے میں کیڑے ملنے پر احتجاج، ہیڈ ماسٹر معطل
ایڈیشنل کلکٹر نے انتباہ دیا ہے کہ کھانے کی تقسیم میں لاپرواہی برداشت نہیں کی جائے گی اور غفلت برتنے والوں کے خلاف سخت کارروائی کی جائے گی۔
فائل علامتی تصویر آئی اے این ایس
تلنگانہ کے آصف آباد ضلع کے کوٹال منڈل ہیڈکوارٹر میں واقع ضلع پریشد ہائی اسکول میں دوپہر کے کھانے میں کیڑے پائے جانے پر طلبہ نے احتجاج کیا۔ اس واقعہ پر فوری ردعمل ظاہر کرتے ہوئے ضلع انچارج ڈی ای اواور ایڈیشنل کلکٹردیپک تیواری، سب کلکٹرشردھا شکلا کے ساتھ اسکول پہنچے، طلبہ سے تفصیلات معلوم کیں اور رپورٹ اعلیٰ حکام کو بھیج دی۔
Published: undefined
رپورٹ کی بنیاد پر ریاستی محکمہ تعلیم کے ریجنل جوائنٹ ڈائریکٹر ستیہ نارائن ریڈی نے اسکول کے ہیڈ ماسٹر نارائن سنگھ کو معطل کرنے کے احکامات گزشتہ شام جاری کئے۔اسی معاملہ پر بی آرایس کے سدی پیٹ کے ایم ایل اے ہریش راؤ نے بھی ذمہ داروں کے خلاف سخت کارروائی کا مطالبہ کیا۔
Published: undefined
ایڈیشنل کلکٹردیپک تیواری نے انتباہ دیا ہے کہ دوپہر کے کھانے کی تقسیم میں لاپرواہی برداشت نہیں کی جائے گی اور غفلت برتنے والوں کے خلاف سخت کارروائی کی جائے گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined