کانگریس پارلیمانی پارٹی کے اجلاس کے دوران یو پی اے کی چیئر پرسن سونیا گاندھی کو ایک مرتبہ پھر پارلیمانی پارٹی کی قائد منتخب کیا گیا ہے۔ اس دوران کانگریس کے صدر راہل گاندھی نے اپنے پُر جوش خطاب سے کانگریس رہنماؤں میں جان پھونکتے ہوئے انہین مضبوط رہنے کی تلقین کی۔ علاوہ ازیں انہوں نے کہا کہ ہم 52 ارکان پارلیمان ہی بی جے پی سے لڑنے کے لئے کافی ہیں۔
Published: 01 Jun 2019, 1:13 PM IST
ہفتہ کے روز پارلیمان کے سینٹرل ہال میں منعقدہ کانگریس پارلیمانی پارٹی کے اجلاس کے دوران پارٹی کے صدر راہل گاندھی نے ووٹروں کا شکریہ ادا کرتے ہوئے کہا کہ تمام کانگریس ارکان کو یہ یاد رکھنا چاہئے کہ ہم سب آئین کی بقا کی جنگ لڑ رہے ہیں اور بغیر کسی بھید بھاؤ ملک کے ہر باشندہ کی آواز بنیں گے۔ انہوں نے کہا کہ ہم 52 ارکان پارلیمان ہیں اور میں یقین دلاتا ہوں کہ یہ 52 ہی بی جے پی سے انچ انچ لڑنے کے لئے کافی ہیں۔
Published: 01 Jun 2019, 1:13 PM IST
راہل گاندھی نے مزید کہا کہ بی جے پی نفرت اور غصہ کا استعمال ہمارے خلاف کرے گی اور آپ اس کا مزہ لیں، آپ مشتعل نہ ہوں، یہ وقت غور و خوض کرنے اور از سر نو توانائی حاصل کرنے کا ہے۔
Published: 01 Jun 2019, 1:13 PM IST
ادھر، اجلاس کے دوران سونیا گاندھی نے پارلیمانی پارٹی کی قائد منتخب ہونے کے بعد کانگریس کے حق میں ووٹ کرنے والے 12.13 کروڑ رائے دہندگان کا شکریہ ادا کیا۔ حالانکہ اس اجلاس میں حزب اختلاف کی قائد کے حوالہ سے کوئی فیصلہ نہیں کیا گیا، تاہم یہ ذمہ داری سونیا گاندھی پر چھوڑی گئی ہے۔
Published: 01 Jun 2019, 1:13 PM IST
سونیا کو پارلیمانی پارٹی کا لیڈر منتخب کئے جانے پر راہل کی مبارکباد
کانگریس صدر راہل گاندھی نے ترقی پسند اتحاد (یوپی اے) کی صدر سونیا گاندھی کو کانگریس پارلیمانی پارٹی کا لیڈر منتخب کئے جانے پر مبارکباد دی ہے۔ راہل گاندھی نے سونیا گاندھی کو مبارکباد دیتے ہوئے کہا کہ ان کی قیادت میں پارٹی مضبوط اپوزیشن کا کردار ادا کرے گی اور ملک کے آئین کو بچانے کی لڑائی مضبوطی سے لڑے گی۔
Published: 01 Jun 2019, 1:13 PM IST
کانگریس صدر نے پارٹی کارکنان اور کانگریس کو ووٹ دینے والے ووٹروں کا شکریہ ادا کیا اور کہا کہ ہر کانگریس کارکن کو دھیان رکھنا ہوگا کہ ان کی لڑائی آئین کو بچانے اور ہر ہندوستانی کے حقوق کی حفاظت کےلئے ہے۔
Published: 01 Jun 2019, 1:13 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 01 Jun 2019, 1:13 PM IST