شادی نہ کرانے سے ناراض بیٹے نے ماں کو کلہاڑی سے کاٹ ڈالا، گرفتار

اترپردیش کے ضلع ہمیر پور کے للپورا علاقے میں شادی نہ کرانے سے ناراض نوجوان نے عمر رسیدہ ماں کو کلہارٹی سے کاٹ ڈالا اور جس کے کئی ٹکڑے کر آنگن میں لکڑی رکھ کر آگ کے حوالے کردیا۔ پولیس نے ملزم کو گرفتار کرلیا ہے۔

ایس پی کے کے دکشت نے بتایا کہ کلولی جار گاؤں کا باشندہ لالا رام وشوکرما کی شادی نہیں ہورہی تھی جس کے لئے وہ اپنی 80سالہ ماں سجن بتی سے بار بار کہتا تھا مگر بیٹے کے نشہ کا عادی ہونے کی وجہ سے ماں اس کے لئے لڑکی ڈھونڈھنے سے انکار کردیتی تھی۔ پیر کی دوپہر اسی بات کے سلسلے میں لالا رام کا تنازع ہوگیا۔

انہوں نے بتایا کہ لالا رام نے ماں کے گردن پر کلہاڑی سے کئی وار کر کے پہلے سر کو دھڑ سے الگ کردیا۔ اس کے بعد پیر، ہاتھ، کلہاڑی سے کاٹ کر الگ کردیا۔ سر کو چھوڑ کر جسم کے سبھی ٹکڑوں کو آنگن میں جمع کر کے لکڑی پر رکھ کر آگ کے حوالے کردیا۔

ایس پی نے بتایا کہ قاتل ذہنی طور سے تناؤ کا شکار تھا۔ آنگن میں دھواں اٹھنے سے محلے کے لوگوں نے پولیس کو مطلع کیا۔ پولیس نے موقع پر پہنچ کر لاش کے ٹکڑوں کو برآمد کر کے ملزم کو گرفتار کرلیا۔