تمل ناڈو میں بی جے پی کو جھٹکا! آئی ٹی سیل کے 13 عہدیدار اجتماعی طور پر مستعفی، سیل کے سربراہ پہلے ہی دے چکے استعفیٰ

چنئی: تمل ناڈو میں بی جے پی کو اس وقت جھٹکا لگا جب پارٹی کے آئی ٹی سیل کے 13 عہدیدار اجتماعی طور پر مستعفی ہو گئے۔ آئی ٹی سیل کے سربراہ سی ٹی آر نرمل کمار پہلے ہی استعفیٰ دے چکے ہیں۔ رپورٹ کے مطابق بدھ کے روز استعفی پیش کرنے والوں میں پارٹی کی چنئی ویسٹ ضلع آئی ٹی یونٹ کے سربراہ اوراتی انبراسو، یونٹ کے 10 سکریٹری اور 2 نائب صدور شامل ہیں۔

ایک طرف جہاں تمل ناڈو بی جے پی کے ریاستی سربراہ کے اناملائی ریاست میں اپنی مضبوطی کے دعوے کر رہے ہیں وہیں دوسری طرف آئی ٹی سیل کے کارکنان کے استعفی دینے سے پارٹی کو مشکلات کا سامنا ہے۔ رپورٹ میں کہا گیا ہے کہ استعفی دینے والے تمام 13 عہدیدار آئی ٹی سیل کے سربراہ سی ٹی آر نرمل کمار کے نقش قدم پر چلتے ہوئے انادرمک (اے آئی اے ڈی ایم کے) میں شامل ہو سکتے ہیں۔ سی ٹی آر کے علاوہ ریاستی سکریٹری دلیپ کنن بھی استعفی دے کر انادرمک میں شامل ہو چکے ہیں۔

انبراسو نے استعفیٰ دینے کے بعد کہا کہ پارٹی میں اب بھی غیر معمولی صورتحال برقرار ہے اور گزشتہ چند دنوں سے بہت سے لوگ مجھ سے رابطہ قائم کر رہے ہیں۔ اب مجھے اپنا حال سب کو بتانا ہے۔ میں نے کئی سالوں سے بی جے پی کے ساتھ سفر کیا ہے۔ میرے اردگرد ہر کوئی جانتا ہے کہ پارٹی کی ذمہ داریاں صرف چند سالوں کے لیے ہیں اور میں کسی عہدے کا متلاشی نہیں ہوں۔ مجھے امید ہے کہ آپ سب میرا کام جانتے ہوں گے۔ یہ مجھے حیران کر دیتا ہے کہ میں اتنے عرصے سے اپنے خلاف دھمکیوں اور شکایات کو کیسے برداشت کرتا رہا ہوں۔

انہوں نے کہا ’’پارٹی میں میرے ساتھ کام کرنے والے میرے پیارے بھائیوں کے خیالات کا احترام کرتے ہوئے میں نے ہمارے پیارے سی ٹی آر نرمل کمار کے ساتھ سفر کرنے کا فیصلہ کیا گیا ہے۔‘‘

رپورٹ کے مطابق، بی جے پی سے مزید 13 رہنماؤں کا استعفیٰ بھگوا پارٹی کے لیے ایک بڑا دھچکا ہے، یہاں تک کہ قومی قیادت نے پارٹی کے صدر جے پی نڈا اور تمل ناڈو کے جنرل سکریٹری انچارج سی ٹی روی کے انادرمک کے عبوری جنرل سکریٹری پلانیسوامی سے بات چیت شروع کر دی ہے۔