نئی دہلی: شاہین باغ میں 26 دنوں سے سی اے اے، این آر سی اور این پی آر کی مخالفت میں چل رہے احتجاج میں ہر روز ایک نیا رنگ نظر آتا ہے۔ یہاں ترنگے پرچم کے سایہ تلے قومی ترانہ بھی گایا جاتا ہے اور انقلابی نظموں سے ماحول کو پُرجوش بھی بنایا جا رہا ہے۔ اس سب کے درمیان یہاں نماز بھی ادا ہوتی ہے اور گزشتہ شام یہاں روزہ افطار کا بھی اہتمام کیا گیا، جس میں صرف مسلمانوں نے ہی نہیں بلکہ دیگر برادران وطن نے بھی حصہ لیا۔
یہاں کے لوگووں کی مذہبی ہم آہنگی کو اس عمل سے سمجھا جا سکتا ہے کہ جیسے ہی جامعہ ملیہ اسلامیہ واقع مرکزی مسجد سے اذان کی صدا بلند ہوتی ہے ہندو مسلم خواتین برابر میں بیٹھیں ایک ہی شال سے سر کو ڈھانپ لیتی ہیں۔
Published: 11 Jan 2020, 2:11 PM IST
شاہین باغ کے مظاہرین نے جمعہ کے روز نفلی روزہ رکھ کر ملک کے عوام پر مسلط کیے جا رہے سیاہ قوانین کو ہٹانے کے لیے دعا کی۔ یہ روزہ چونکہ منت کے لئے رکھا گیا تھا لہذا افطار میں تمام مذاہب کے لوگ شریک ہوئے۔ شاہین باغ میں موجود لوگوں نے کہا کہ ہماری منت ہے، طلباء کے حوصلے ٹوٹنے نہ پائیں، انہیں طاقت ملے اور سی اے اے واپس ہو جائے تاکہ امن برقرار رہے اور طلباء اپنی تعلیم کو جاری رکھ سکیں۔
Published: 11 Jan 2020, 2:11 PM IST
ہندی روزنہ ’نوبھارت ٹائمز‘ کی رپورٹ کے مطابق روزہ افطار کا انتظام کرنے والے نظام پاشا نے کہا، ’’یہ روحانی طریقہ ہے۔ 1948 میں مہاتما گاندھی نے بھوک ہڑتال شروع کی تھی اور کہا تھا کہ ملک میں امن ہو، دہلی میں مساجد اور درگاہیں مسلمانوں کو واپس کی جائیں اور بھی متعدد مطالبات تھے۔ ہم نے اسی سے ترغیب حاصل کی۔‘‘
Published: 11 Jan 2020, 2:11 PM IST
انہوں نے مزید کہا، ’’یہ احتجاج، تحریک جو بھی ہے وہ مساوی حقوق کے لئے ہے۔ مذہب کی بنیاد پر امتیازی سلوک نہ ہو، اس لئے ہی یہ روزہ افطار بھی یکجہتی کے لئے رکھا گیا ہے۔‘‘ انہوں نے کہا کہ یہاں تمام مذاہب کے لوگ آئے ہیں اور یہی ہمارے ملک کی خوبصورتی ہے۔ بس ہم یہی چاہتے ہیں کہ نیا قانون جو حکومت لائی ہے وہ واپس ہو۔
Published: 11 Jan 2020, 2:11 PM IST
روزہ افطار میں شامل ہونے والے ستیہ جیت سرنا نے کہا، ’’یہ رواداری کا انتہائی اہم لمحہ ہے، جس کے ذریعے ہم ان طلباء کی حمایت کر رہے ہیں جو آئین کی حفاظت کے لئے لڑ رہے ہیں۔ ہم اس لئے ہی یہاں آئے ہیں کی آئین کی روح برقرار رہ سکے۔ مذہب کی بنیاد پر بنائے گئے قوانین ملک کے لئے نامناسب ہیں۔‘‘
Published: 11 Jan 2020, 2:11 PM IST
وہیں وہاں موجود اسماء رفعت نے کہا، ’’مذہب کے نام پر بھید بھاؤ ٹھیک نہیں ہے کیوںکہ ہم سب ایک ہیں۔ اس افطار سے مذہبی ہم آہنگی کا پیغام دینا ہی ہمارا اصل مقصد ہے۔‘‘
Published: 11 Jan 2020, 2:11 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 11 Jan 2020, 2:11 PM IST