کانگریس کے سابق صدر راہل گاندھی نے لوک سبھا رکنیت منسوخ ہونے کے بعد ٹوئٹ کے ذریعہ پہلا رد عمل ظاہر کیا ہے۔ انھوں نے کہا ہے کہ وہ ہندوستان کی آواز کے لیے لڑ رہے ہیں اور ہر قیمت ادا کرنے کے لیے تیار ہیں۔ راہل گاندھی نے ٹوئٹ میں لکھا ہے ’’میں ہندوستان کی آواز کے لیے لڑ رہا ہوں۔ میں ہر قیمت چکانے کو تیار ہوں۔‘‘
Published: undefined
واضح رہے کہ کیرالہ کی وائناڈ اسمبلی سیٹ کی نمائندگی کر رہے راہل گاندھی کو جمعرات کو سورت کی ایک عدالت نے 2019 کے ہتک عزتی کے ایک معاملہ میں دو سال کی سزا سنائی تھی۔ اس فیصلے کے 24 گھنٹے بعد یعنی آج راہل گاندھی کی لوک سبھا رکنیت ختم کر دی گئی۔ لوک سبھا سکریٹریٹ کی طرف سے جاری نوٹیفکیشن میں کہا گیا ہے کہ ان کی نااہلی سے متعلق حکم 23 مارچ سے اثرانداز ہوگا۔
Published: undefined
نوٹیفکیشن میں جانکاری دی گئی ہے کہ انھیں (راہل گاندھی کو) آئین کی دفعہ 102(1) اور عوامی نمائندگی ایکٹ 1951 کی دفعہ 8 کے تحت نااہل قرار دیا گیا ہے۔ راہل گاندھی کی لوک سبھا رکنیت ختم ہونے کی خبر عام ہونے کے بعد کانگریس نے پریس کانفرنس کر کہا کہ راہل گاندھی نے لگاتار دلائل کی بنیاد پر کھل کر بات کی ہے اور اسی کا نتیجہ وہ بھگت رہے ہیں۔ کانگریس لیڈر ابھشیک منو سنگھوی نے پریس کانفرنس میں کہا کہ راہل گاندھی بے خوف ہو کر ہر ایشو پر بولتے رہے ہیں، انھوں نے سماجی، معاشی، سیاسی ایشوز پر کھل کر بولا ہے۔ اسی کا نتیجہ وہ بھگت رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز