
راجستھان کے دھول پور میں محض افواہ کی بنا پر چمبل ندی کے قریب ایک دردناک ٹرین حادثہ ہوگیا۔ در اصل ٹرین میں آگ لگنے کی افواہ کے بعد مسافروں میں افرا تفری مچ گئی۔ گھبرائے ہوئے مسافر اپنی جان بچانے کے لیے ٹرین سے کودنے لگے تھے۔ اس دوران دوسری طرف سے آرہی ٹرین کی زد میں آکر 4 لوگوں کی جان چلی گئی۔ اس واردات کی اطلاع ملتے ہی ریلوے انتظامیہ اور پولیس کی ٹیم جائے وقوعہ پر پہنچ گئی۔ اس حادثے میں راجستھان کے بیکانیر کی ایک خاتون اور بچے سمیت 4 لوگوں کی موت ہوگئی۔ اس حادثے پر ریاست کے سابق وزیر اعلیٰ اشوک گہلوت نے اپنے رنج وغم کا اظہار کیا ہے۔
Published: undefined
اشوک گہلوت نے سوشل میڈیا پوسٹ میں متوفیوں کے لیے گہرے رنج وغم کا اظہار کرتے ہوئے لکھا کہ ’’ایک افواہ کی وجہ سے دھول پور کے قریب ہوئے ٹرین حادثے میں بیکانیر کی ایک خاتون اور بچے سمیت 4 لوگوں کی موت کی خبر انتہائی افسوسناک اور دل دہلا دینے والی ہے۔‘‘ انہوں نے مزید لکھا کہ ’’ریلوے کو اس بات کو یقینی بنانا چاہیے کہ مستقبل میں اس طرح کے واقعات رونما نہ ہوسکیں، میری گہری تعزیت سوگوار خاندانوں کے ساتھ ہے۔ ایشور سے دعا ہے کہ وہ متوفیوں کی روح کو سکون عطا فرمائے اور خاندانوں کو اس مشکل وقت میں طاقت اور صبر عطا کرے۔‘‘
Published: undefined
اس واقعے پر ردعمل کا سلسلہ جاری ہے۔ راجستھان کانگریس کے صدر گووند ڈوٹاسرا نے بھی غم کا اظہار کیا۔ انہوں نے لکھا کہ ’’دھولپور کے قریب ٹرین میں آگ کی افواہ سے نیچے کودنے والے مسافروں کے دوسری ٹرین کی زد میں آنے سے ہوا سانحہ دل دہلا دینے والا ہے۔ حادثے میں بیکانیر کی خاتون اور ایک بچے سمیت 4 افراد کی موت انتہائی افسوسناک ہے۔‘‘
Published: undefined
انہوں نے مزید لکھا کہ ’’متوفیوں کے اہل خانہ کے ساتھ میری گہری تعزیت ہے۔ ایشور مرنے والوں کی روح کو سکون اور خاندانوں کو طاقت دے۔‘‘ بتا دیں کہ اس واردات میں زخمی ہونے والوں کو پولیس انتظامیہ کے ذریعہ بہتر علاج کے لیے اسپتال میں داخل کرایا گیا ہے۔ یہ تمام متوفی آگرہ سے مرینا جارہی پاتال کوٹ ایکسپریس کی زد میں آ گئے جس سے موقع پر ہی 4 افراد کی موت ہو گئی۔
Published: undefined
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined