ملک بھر کے مختلف علاقوں میں 25 جولائی تک بارشوں کی پیش گوئی

نئی دہلی: ہندوستان کے محکمہ موسمیات (آئی ایم ڈی) کے مطابق دہلی میں ہفتہ کو کم سے کم درجہ حرارت 29.4 ڈگری سیلسیس ریکارڈ کیا گیا، جو اوسط سے دو درجے کم ہے۔ موسمیات کے ماہر نے قومی راجدھانی دہلی میں دن کے وقت ہلکی بارش یا بوندا باندی کے ساتھ مطلع کے عام طور پر ابر آلود رہنے کی پیش گوئی کی ہے اور زیادہ سے زیادہ درجہ حرارت 38 ڈگری سیلسیس کے آس پاس رہنے کا امکان ظاہر کیا ہے۔

رپورٹ کے مطابق ہفتہ کی صبح 8.30 بجے نسبتاً نمی کا تناسب 59 فیصد ریکارڈ کیا گیا۔ اگلے چند دنوں کے دوران زیادہ سے زیادہ درجہ حرارت 33 ڈگری سے اوپر اور 38 ڈگری سے کم رہنے کا امکان ہے اور کم سے کم درجہ حرارت 30 ڈگری سے نیچے لیکن 25 ڈگری سے زیادہ رہنے کا امکان ہے۔

دریں اثنا، موسم کی پیشن گوئی کرنے والی ایجنسی نے کہا کہ اگلے دو دنوں کے دوران کونکن، وسطی مہاراشٹر اور گجرات کے ساحلی علاقوں میں الگ تھلگ انتہائی شدید بارش کی سرگرمی جاری رہنے کا امکان ہے جبکہ شمال مشرقی اور مشرقی ہندوستان کے بقیہ حصوں میں اگلے 4-5 دنوں کے دوران ہلکی بارش جاری رہنے کا امکان ہے۔

آئی ایم ڈی کی طرف سے جاری کردہ موسمی بلیٹن میں کہا گیا ہے کہ 25 جولائی تک ہندوستان کے مختلف علاقوں میں نمایاں بارش اور کچھ موسلادھار بارش ہونے کی توقع ہے۔ آئی ایم ڈی نے مزید پیش گوئی کی ہے کہ اگلے پانچ دنوں کے دوران وسطی ہندوستان میں الگ تھلگ مقامات پر بھاری بارش کے ساتھ ہلکی سے درمیانی بارش کی توقع کی جا سکتی ہے۔

اگلے تین دنوں کے دوران مغربی ہندوستان اور کونکن، گوا، مدھیہ مہاراشٹر اور ریاست گجرات کے گھاٹ علاقوں میں ہلکی سے درمیانی بارش اور گرج چمک کے ساتھ بارش کا امکان ہے، جس کے بعد اس میں کمی واقع ہوگی۔