نئی دہلی: کانگریس کے سابق سربراہ راہل گاندھی نے وزیرِ اعظم مودی پر حملہ بولتے ہوئے انہیں نریندر مودی کے بجائے سرینڈر (خود سپردگی کرنے والا) مودی قرار دے دیا۔ راہل گاندھی کا الزام ہے کہ مودی حکومت نے خود سپردگی کر کے اپنا علاقہ چین کے قبضہ میں جانے دیا۔ راہل گاندھی نے ٹوئٹ کر کے لکھا، ’’نریندر مودی حقیقت میں سرینڈر مودی ہیں۔
Published: undefined
راہل گاندھی نے ٹوئٹ میں مودی حکومت کی ناکام پالیسی سے متعلق جاپانی اخبار میں شائع ہونے والا تبصرہ بھی منسلک کیا ہے۔ گزشتہ روز بھی اپوزیشن رہنما راہل گاندھی نے ایک بیان میں کہا تھا کہ وزیراعظم نریندر مودی نے چین کے آگے اپنی زمین سرینڈر کر دی ہے۔ اس سے قبل راہل گاندھی نے لکھا تھا کہ بس بہت ہوگیا، بتایا جائے کہ کیا ہو رہا ہے، وزیرِ اعظم کیوں خاموش ہیں، چین نے ہندوستانی فوجیوں کو کیسے مارا اور اس کی ہمت کیسے ہوئی ہماری سرزمین لینے کی!
Published: undefined
راہل گاندھی نے گلوان میں پُر تشدد جھڑپ کے معاملہ پر وزیر اعظم نریندر مودی کے جمعہ کے روز کُل جماعتی اجلاس کے دوران دیئے گئے بیان پر بھی سوال اٹھائے تھے۔ دراصل وزیر اعظم مودی نے کہا تھا کہ نہ تو کوئی ہماری سرحد میں داخل ہوا ہے اور نہ ہی ہماری کوئی چوکی کسی دوسرے کے قبضہ میں ہے۔ لداخ میں ہمارے 20 بہادر شہید ہوئے، لیکن جنہوں نے بھارت ماتا کی طرف آنکھ اٹھا کر دیکھا، انہیں وہ سبق سکھا کر گئے۔ وزیر اعظم مودی کے اس بیان پر راہل گاندھی نے سوال کیا تھا اور پوچھا تھا کہ اگر وہ زمین چین کی تھی، جہاں ہندوستانی جوان شہید ہوئے تو ہمارے فوجیوں کو کیوں مارا گیا؟ انہیں کہاں مارا گیا؟
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined