
’ہجرت روکو، ملازمت دو‘ پد یاترا میں شامل راہل گاندھی، کنہیا کمار اور دیگر، تصویر @RahulGandhi
کانگریس رہنما راہل گاندھی آج بہار کے دورے پر ہیں۔ وہ آج صبح تقریباً پونے دس بجے پٹنہ ہوائی اڈے پر پہنچ گئے۔ یہاں پر ان کے استقبال کے لیے این ایس یو آئی کے قومی انچارج کنہیا کمار موجود تھے۔ راہل گاندھی تقریباً 10:10 بجے بیگوسرائے کے لیے روانہ ہوئے۔
اس دوران بیگوسرائے پہنچنے پر راہل گاندھی کا سبھاش چوک پر کنہیا کمار نے کانگریس رہنماؤں اور کارکنوں کے ساتھ والہانہ استقبال کیا۔ راہل کی اپیل پر کانگریس رہنماؤں اور کارکنوں نے سفید ٹی شرٹ پہنی ہے۔
Published: undefined
بہار اسمبلی انتخاب کو لے کر کانگریس پوری طرح سے سرگرم ہو چکی ہے۔ اس کے تحت پارٹی نے کنہیا کمار کی قیادت میں ’پلاین روکو، نوکری دو‘ پد یاترا شروع کر دی ہے۔ اسی پد یاترا میں شرکت کے لیے راہل گاندھی بہار پہنچے ہیں۔
Published: undefined
اس دوران کانگریس پارٹی کی طرف سے سوشل میڈیا پر لکھا گیا کہ آج راہل گاندھی نے ’پلاین روکو، نوکری دو یاترا‘ میں قدم سے قدم ملا کر یاترا کے پیغام کو مضبوطی کے ساتھ بلند کیا۔ بہار کے نوجوانوں کو منتقلی نہیں، انہیں خود کی ریاست میں روزگار ملے۔ یہ ہماری یاترا کا ہدف ہے۔ یہ یاترا بہار کے جدوجہد کی آواز اور امید ہے۔ ہم برسوں سے ناانصافی جھیل رہے ہیں۔ ریاست کے نوجوانوں کو ’انصاف کا حق‘ دلا کر رہیں گے۔
Published: undefined
پد یاترا کے دوران راہل گاندھی کے ساتھ ہزاروں کی تعداد میں کانگریس کے رہنما، کارکنان اور حامیان قدم سے قدم ملا کر چلتے رہے۔ اس دوران راہل نے لوگوں کا استقبال قبول کرتے ہوئے ہاتھ اوپر اٹھا کر ان کا شکریہ کہا۔ ساتھ میں کنہیا کمار بھی پُرجوش قدموں سے آگے بڑھتے رہے۔
Published: undefined
بیگوسرائے کے آئی ٹی آئی میدان سے ’پلاین روکو، نوکری دو‘ پد یاترا شروع ہوئی۔ اس میں کانگریس کارکنان کی کافی بھیڑ نظر آ رہی ہے۔ راہل گاندھی پد یاترا میں شامل ہونے کے بعد دوپہر ایک بجے جوبلی ڈھابہ کے قریب کنہیا کمار پریس کانفرنس کریں گے۔ راہل گاندھی کی پد یاترا کو لے کر بیگوسرائے میں کانگریس کارکنان میں کافی جوش دیکھا جا رہا ہے۔ گاجے باجے کے ساتھ کانگریس کارکنان جھومتے اور گاتے نظر آ رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined