سینئر کانگریس لیڈر، لوک سبھا ممبر پارلیمنٹ اور پارٹی کے سابق صدر راہل گاندھي گزشتہ لوک سبھا انتخابات کے دوران کرناٹک کی ایک انتخابی ریلی میں دیئے گئےاپنے مبینہ متنازعہ بیان- ’تمام مودی چور ہیں‘ کو لے کر یہاں حکمران بی جے پی کے ایک رکن اسمبلی کی جانب سے دائر ہتک عزت کے معاملہ میں آج عدالت میں پیش ہوئے۔
Published: 10 Oct 2019, 1:04 PM IST
چیف جوڈیشل مجسٹریٹ (سی جی ایم) بی ایچ کاپڑیا کی عدالت میں جب راہل گاندھی صبح پونے گیارہ بجے پیش ہوئے تو ان سے طے عمل کے مطابق سی جی ایم نے ان کا نام، عمر اور پتہ پوچھا اور پھر یہ پوچھا کہ وہ کیا ان پر لگائے گئے الزام کو قبول کرتے ہیں۔ اس کے جواب میں راہل گاندھی نے الزامات کو سرے سے مسترد کردیا۔
Published: 10 Oct 2019, 1:04 PM IST
یہ معاملہ مقامی بی جے پی ممبر اسمبلی پورنیش مودی نے درج کرایا ہے۔ راہل کے وکیل کریٹ پانوالا نے عدالت میں ذاتی پیشی سے مستقل چھوٹ کا مطالبہ کرتے ہوئے ایک عرضی بھی دائر کی۔ عدالت نے کیس کی سماعت کی اگلی تاریخ 10 دسمبر تک اور اس دن انہیں عدالت میں پیشی سے چھوٹ بھی دے دی۔ راہل گاندھی تقریبا 15 منٹ تک عدالت میں رہے۔
Published: 10 Oct 2019, 1:04 PM IST
مسٹر مودی کے وکیل ہنس مکھ ایل والا نے مسٹر گاندھی کو پیشی سے چھوٹ دیئے جانے کی پرزور مخالفت کی ۔ اب اگلی تاریخ کی سماعت کے بعد تعزیرات ہند کی دفعہ 500 کے تحت درج اس معاملے کی باقاعدہ سماعت شروع ہوگی۔ اس کے تحت مجرم ثابت ہونے پر دو سال کی سزا یا جرمانے یا دونوں کا التزام ہے۔
Published: 10 Oct 2019, 1:04 PM IST
مسٹر گاندھی ہتک عزت معاملہ کے ہی ایک اور کیس میں کل احمد آباد کے ایڈیشنل چیف میٹروپولیٹن مجسٹریٹ آر بی اٹالیہ کی عدالت میں بھی پیش ہوں گے۔
Published: 10 Oct 2019, 1:04 PM IST
واضح رہے کہ ریاست میں مسٹر گاندھی کے خلاف ہتک عزت کے مجموعی طور پر تین مقدمے چل رہے ہیں۔ احمد آباد میں ہتک عزت کے دو معاملات چل رہے ہیں۔ بی جے پی کے ایک مقامی کونسلر كرشودن برهم بھٹ نے جبل پور میں 23 اپریل کو انتخابی ریلی کے دوران پارٹی کے صدر امت شاہ کو قتل کا ملزم بتانے سے متعلق ان کے بیان کو لے کر یہ معاملہ درج کرایا ہے۔ ان کا کہنا ہے کہ مسٹر شاہ کو ایسے معاملات میں عدالت سے كلین چٹ ملنے کے بعد دیا گیا یہ بیان ہتک عزت ہے۔ مسٹر گاندھی کل اسی کیس میں عدالت میں پیش ہوں گے۔
Published: 10 Oct 2019, 1:04 PM IST
اس سے پہلے گذشتہ 12 جولائی کو وہ یہاں ایک اور ایسے معاملہ میں عدالت میں پیش ہوئے تھے جو نوٹ بندي کے دوران احمد آباد ضلع کوآپریٹو بینک میں مبینہ طور پر بڑے پیمانے پر منسوخ نوٹوں کی ادلابدلي کو لے کر بینک کے اس وقت کے ڈائریکٹر اور بی جے پی صدر امت شاہ کو لے کر دیئے گئے ان کے بیان اور سوشل میڈیا پوسٹ کو لے کر درج کرایا گیا تھا۔
Published: 10 Oct 2019, 1:04 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 10 Oct 2019, 1:04 PM IST
تصویر بشکریہ جمال عباس فہمی
تصویر: سوشل میڈیا