اتر پردیش کے علی گڑھ میں شہریت ترمیمی قانون مخالف مظاہرہ کے دوران ہوئے تشددمیں طارق نام کے ایک نوجوان کو گولی لگ گئی تھی اور وہ اسپتال میں زیر علاج تھا لیکن کل یعنی جمعہ کی شام کو اس کا انتقال ہو گیا ۔اس کے انتقال کی خبر جیسے ہی شہر میں پھیلی ویسے ہی جے این میڈیکل کالج کے باہر لوگوں کی بھیڑ جمع ہونی شروع ہو گئی اور حالات کشیدہ ہو گئے۔ جے این میڈیکل کالج جہاں طارق زیر علاج تھا وہاں پولیس بھی بڑی تعداد میں پہنچ گئی۔
Published: undefined
میڈیکل کالج کے باہرجمع ہوئے لوگوں نے مجرمین کے خلاف پولیس سے کارروائی کا مطالبہ کیا اورمسلم اکثریتی علاقوںمیں لوگوں نے اپنے کاروبار تھوڑی دیرکے لئے بندکئے۔طارق کے والدنے مجرمین کے خلاف کارروائی کا مطالبہ کرتے ہوئے شہرمیں امن بنائے رکھنےکی اپیل کی۔
Published: undefined
واضح رہے علی گڑھ کے اپر کوٹ علاقہ میں شہریت ترمیمی قانون کے خلاف خواتین کا مضاہرہ ہو رہا تھا لیکن کچھ سماج دشمن عناصر کی وجہ سے وہاں تشدد ہوگیاتھا۔اس تشدد نے فرقہ وارانہ رنگ لے لیا تھا اوردو فرقوں کےدرمیان پتھر بازی کی خبریں موصول ہوئی تھیں۔اس میں طارق زخمی ہوگیاتھااور اس کو 23 فروری کوزخمی حالت میں جے این میڈیکل کالج میں داخل کرایا گیا تھا۔آخری اطلاعات ملنے تک علی گڑھ میں تناؤ ضرورتھا لیکن حالات پوری طرح قابو میں تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined