علی گڑھ: وزیر اعظم نریندر مودی کے منگل کو اترپردیش میں علی گڑھ دورے کے پیش نظر سیکورٹی کے پختہ انتظامات کئے گئے ہیں۔ پی ایم مودی یہاں راجہ مہندر پرتاپ سنگھ ریاستی یونیورستی اور ڈیفنس کوریڈور کے علی گڑھ نوڈ کا سنگ بنیاد رکھیں گے اور ایک ریلی سے خطاب کریں گے۔ وزیر اعظم نریندر مودی کی سیکورٹی کے پیش نظر زمین سے آسمان تک سیکورٹی کے چاک و چوبند انتظامات کئے گئے ہیں۔
Published: undefined
ریلی مقام سے تین کلو میٹر کے دائیر میں آنے والے حلقے کے باشندوں سے اسلحے جمع کرا لئے گئے ہیں۔ ایس پی جی نے ریلی کے مقام کو اپنے قبضے میں لے لیا ہے۔ پی یم مودی کے پروگرام کے پائے تکمیل تک پہنچنے تک دس کلو میٹر کے دائرے میں سبھی اڑانوں پر پابندی رہے گی۔ ریلی کے مقام کے نزدیک بڑے پیمانے پر سیکورٹی فورسز کو تعینات کیا گیا ہے۔
Published: undefined
پی ایم مودی کے پروگرام کے پیش نظر علی گڑھ ضلع کی سرحد میں باہر سے آنے والی بڑی گاڑیوں کے داخلے پر پابندی رہے گی۔ اس کے لئے ضلع کی سرحد سے منسلک بلند شہر، کاس گنج، ہاتھرس اور متھرا کے افسرن سے بات چیت کی گئی ہے۔ شہر کے اندر بھی پروگرام کے اختتام تک کچھ راستوں پر غیر ضروری گاڑیوں کی آمدورفت پر پابند رہے گی۔ یہ انتظام صبح سات بجے سے پروگرام ختم ہونے تک جاری رہیں گے۔
Published: undefined
وزیر اعلی یوگی آدتیہ ناتھ نے پیر کو یہاں آکر تیاریوں کا جائزہ لیں گے۔ اس سے پہلے یوگی پروگرام کی تیاریوں کا یہاں آخر جائزہ لے چکے ہیں۔ نائب وزیر اعلی ڈاکٹر دنیش شرما بھی نورنگ آباد واقع ایس جے ڈی پبلک اسکول میں ٹیچروں کے ساتھ میٹنگ کر کے انہیں ریلی کے مقام پر پہنچنے کے لئے مدعو کریں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined