فل ڈریس ریہرسل کی تیاریاں، دہلی میں گاڑیوں کے داخلے پر روک، شدید جام سے عوام پریشان

 یوم آزادی کے موقع پر ہونے والی فُل ڈریس ریہرسل کو دیکھتے ہوئے دہلی کے سبھی داخلی دروازے پر بیریکیڈنگ لگا دی گئی ہے۔ کمرشیل گاڑیوں کی آمد و رفت پر بھی مکمل طور پر روک لگا دی گئی ہے۔ اس کے سبب اینٹری پوائنٹ پر گاڑیوں کی لمبی قطاریں دیکھی جا رہلی ہیں۔ فُل ڈریس ریہرسل 13 اگست کی صبح 4 بجے سے 10 بجے تک ہوگی۔ اس دوران کمرشیل گاڑیاں دہلی میں داخل نہیں ہو سکیں گی۔ دہلی-نوئیڈا کے چلّا بارڈر، ڈی این ڈی فلائیوے، کالندی کنج سمیت کئی داخلی راستوں پر ٹرکوں کی لمبئی قطار لگی ہے۔

چلّا بارڈر سے نوئیڈا کی طرف آنے والی کمرشیل گاڑیوں کو یوٹرن بھیج کر نوئیڈا-گریٹر نوئیڈا ایکسپریس وے اور ایسٹرن پیریفیرل ایکسپریس وے کے راستے دہلی بھیجا گیا۔ ڈی این ڈی فلائیوے سے آنے والی گاڑیوں کو بھی یہی متبادل راستہ اپنانے کو کہا گیا ہے۔ کالندی کنج کی طرف بڑھنے والی گاڑیوں کو بھی واپس ایکسپریس وے اور ایسٹرن پیریفیرل کے راستے دہلی کی طرف جانے کو کہا گیا ہے۔

جمنا ایکسپریس وے سے دہلی جانے والی گاڑیوں کو پری چوک، سورج پور اور دادری ہوتے ہوئے ایسٹرن پیریفیرل کے راستے داخلہ دیا گیا، وہیں نوئیڈا-گریٹر نوئیڈا ایکسپریس وے سے دہلی جانے والی گاڑیوں کو پری چوک، پی-3 اور کاسنا روڈ ہوتے ہوئے ایسٹرن پیریفیرل سے دہلی کی طرف بھیجا گیا۔

اس تبدیلی کا اثر بس خدمات پر بھی دیکھا گیا۔ چلا بارڈر پر دہلی جانے والی بسوں سے مسافروں کو اتار دیا گیا، جس کے بعد انہیں نجی ذرائع کا سہارا لینا پڑا۔ اچانک سفر میں رکاوٹ پیدا ہونے سے مسافر پریشان نظر آئے، جبکہ موقع پر موجود آٹو رکشہ ڈرائیوروں نے منمانا کرایہ وصول کرنا شروع کر دیا۔

پولیس افسروں نے بتایا کہ یہ قدم ریہرسل کے دوران سلامتی وجوہات سے اٹھایا گیا ہے اور مسافروں سے تعاون کی اپیل کیی گئی ہے۔ ٹرایفک پولیس نے سبھی متبادل راستوں پر اضافی فورس تعینات کیا ہے، تاکہ گاڑیوں کی بلا روک ٹوک آمد ورفت جاری رہے۔

پولیس نے بتایا کہ یوم آزادی کے پیش نظر نیم فوجی دستوں اور خصوصی کمانڈو سمیت 10000 سے زیادہ سلامتی اہلکاروں اور 3000 ٹریفک پولیس اہلکار کو تعینات کیا گیا ہے۔ دہلی ٹریفک پولیس نے سخت ہدایت جاری کرتے ہوئے 14 اگست کو رات 10 بجے کے بعد کامرشیل گاڑیوں کے راجدھانی میں داخلے پر پابندی لگا دی ہے۔