فرانس میں طوفان کے باعث بجلی گل

پیرس: فرانس میں طوفان کے بعد شدید بارش اور بجلی گل ہونے سے تقریباً پانچ ہزار لوگ متاثر ہوئے ہیں۔ فرانس کے پاور گرڈ کے آپریٹر انیڈس نے کہا کہ ہفتے کی نصف شب شدید بارش اور تیز ہواؤں کے بعد 65 محکموں کو اورنج وارننگ جاری کی گئی۔ انہوں نے کہا کہ اس دوران کئی گھروں میں بجلی چلی گئی اور پانچ ہزار لوگ بجلی سے محروم ہو گئے۔

بی ایف ایم ٹی وی نے اپنی رپورٹ میں بتایا ہے کہ رات کے وقت ایفل ٹاور پر بھی آسمانی بجلی گری۔ فرانسیسی فوٹوگرافر برٹرینڈ کولک نے اسے کیمرے میں قید کر لیا اور وہ تصاویر سوشل میڈیا پر ڈال دیں۔

ایفل ٹاور کی آفیشل ویب سائٹ کے مطابق 1889 میں اس کی تعمیر کے بعد سے اس یادگار پر ہر سال اوسطاً پانچ بار آسمانی بجلی گرتی ہے لیکن اس سے نہ تو عوام متاثر ہوتے ہیں اور نہ ہی ٹاور پر اس کا اثر پڑتا ہے۔