پی ایم مودی نے 6 ہزار روپے دے کر کسانوں کو بے عزت کیا: کمل ناتھ

دموہ: مدھیہ پردیش کے وزیراعلی کملناتھ نے آج مرکز کی بھارتیہ جنتا پارٹی حکومت پر حملہ کرتے ہوئے کہا کہ وزیراعظم نریندر مودی نے کسانوں کو چھ ہزار روپے ہر برس دینے کا اعلان کرکے ان کی توہین کی ہے۔

کمل ناتھ نے آج یہاں عام اجلا س سے خطاب کرتے ہو ئے کہا کہ وزیراعظم نے تمام کو پندرہ لاکھ روپے دینے کا وعدہ کیا تھا، لیکن نوٹوں کی منسوخی کرکے ملک کے عوام کی بچت کی رقم لو ٹ لی۔ انہوں نے کہاکہ سابقہ بی جے پی حکومت نے فضول خرچی کرکے ریاست کا خزانہ خالی کردیا۔ اس خالی خزانے کے درمیان کانگریس نے حکومت نے 25لاکھ کسانوں کا قرض معاف کیا ہے۔
وزیراعلی نے کہاکہ محض 80دن کی حکومت نے بتایا ہے کہ وزارت سے حکومت چلتی ہے نہ کہ فوٹو تقریبات یا ڈھول تاشوں سے۔

مسٹر کملناتھ نے مرکزی حکومت کی سخت تنقید کرتے ہوئے کہاکہ ایک طرف راہل گاندھی لاگت سے کم قیمت ملنے کی وجہ سے کسانوں کے سر پر چڑھے قرض کو معاف کرنے کیلئے اسے معاف کرنے کا اعلان کررہے ہیں تو دوسری طرف ملک کے وزیراعظم پورے برس میں چھ ہزار روپے کسانوں کو دیکر اپنی پیٹھ تھپتھپا رہے ہیں۔ وزیراعلی نے کہاکہ میک ان انڈیا، اسکل انڈیا، ڈیجیٹل انڈیا کے بڑے بڑے نعرے دیکر وزیراعظم نے ملک کے نوجوانوں کے ساتھ دھوکہ کیا ہے۔
انہوں نے کہا کہ زراعت کے شعبہ میں نیا انقلاب لایا جائے گا ۔ ریاست کے 70فیصد لوگ زراعت سے منسلک ہیں۔ کسانوں کو فصل کی صحیح قیمت دلانا کانگریس کا ہدف ہے۔ وزیراعلی مسٹر کملناتھ نے کہاکہ کسانوں کو دھان اور اڑد کی پوری قیمت دی جائے گی۔