فوٹوگرافر کے ذریعہ شادی کا جھانسہ دے کر ایک ہریانوی ماڈل کے ساتھ کئی بار عصمت دری کا معاملہ سامنے آیا ہے۔ پولس کے ایک افسر نے جمعہ کو بتایا کہ ہریانہ کی ایک ماڈل کو شادی کی بات کہہ کر ایک فوٹوگرافر نے مغربی اتر پردیش کے شاملی ضلع واقع اپنے گھر بلایا۔ اس فوٹوگرافر نے اس کی وہاں کئی بار عزت لوٹی اور پھر اپنے وعدے سے پیچھے ہٹ گیا۔
Published: 17 Aug 2019, 1:10 PM IST
گروگرام پولس کے پی آر او سبھاش بوکن نے اس سلسلے میں بتایا کہ خاتون کی شکایت پر مقامی تھانہ (جنوبی گروگرام) میں ایک زیرو ایف آئی آر درج کر کے اس ضلع کو منتقل کر دیا گیا ہے جہاں جرم کو انجام دیا گیا ہے۔ بوکن نے کہا کہ متاثرہ مانگرے باشندہ ایک ماڈل ہے۔ چھ مہینے قبل وہ گووند نام کے ایک فوٹوگرافر کے رابطے میں آئی۔
Published: 17 Aug 2019, 1:10 PM IST
بوکن نے اس واقعہ کے تعلق سے مزید بتایا کہ ’’ملزم نے خاتون کو شاملی ضلع واقع اپنے آبائی گاؤں میں فوٹو شوٹ کرنے کے بہانہ سے بلایا تھا۔ گووند نے متاثرہ کے ساتھ جسمانی رشتہ قائم کیا۔ ملزم نے اس کے بعد اس سے شادی کرنے کا وعدہ کیا اور شاملی واقع اپنے گھر بلایا جہاں اس نے خاتون کے ساتھ بار بار عصمت دری کی۔‘‘ حال ہی میں گووند نے اس سے شادی کرنے سے منع کر دیا۔ اس نے اسے اس کی پرائیویٹ تصویر اور ویڈیو فیس بک پر اَپ لوڈ کرنے کی بھی دھمکی دی۔
Published: 17 Aug 2019, 1:10 PM IST
پی آر او بوکن کا کہنا ہے کہ ’’متاثرہ نے جب اسے ایسا کرنے سے روکا تو اس نے نازیبا الفاظ بھرا میسج اسے فیس بک پر بھیجا۔ آخر میں خاتون نے جمعہ کو اس کے خلاف ایف آئی آر درج کرنے کا فیصلہ لیا۔‘‘
Published: 17 Aug 2019, 1:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 17 Aug 2019, 1:10 PM IST
تصویر: محمد تسلیم
تصویر: سوشل میڈیا