راجستھان کے انوپ گڑھ سیکٹر میں ’پاکستانی‘ درانداز ہلاک

سری گنگا نگر: راجستھان کے سری گنگا نگر ضلع میں انوپ سیکٹر میں ایک مشتبہ پاکستانی درانداز کو سرحدی حفاظتی دستے (بی ایس ایف) کے جوانوں نے ڈھیر کر دیا۔

موصولہ اطلاعات کے مطابق سیکٹر کی شیر پورہ سرحد کے نزدیک جمعہ کی شام تقریباً سات بجے بی ایس ایف کے جوانوں نے بین الاقوامی سرحد عبور کرکے ایک نوجوان کو ہندوستانی علاقے میں آتے دیکھا۔ خبردار کرنے بھی وہ نوجوان تار کی باڑھ کے نزدیک آگیا۔ جوانوں نے اسے خبردار کیا، وہ پھر بھی نہیں رکا۔ اس کے بعد جوانوں نے فائرنگ کردی، جس میں مشتبہ درانداز ہلاک ہوگیا۔

واقعہ کی اطلاع ملنے پر بی ایس ایف کے اعلی افسران شیر پورہ بارڈر پوسٹ پہنچے۔ بی ایس ایف نے پولیس کو درانداز کے مارے جانے کی اطلاع دی۔ انوپ گڑھ تھانہ انچارج سریندر پونیا دستے سمیت موقع پر پہنچے۔ موقع کی کارروائی کے بعد دیر رات تقریباً ساڑھے دس بجے مشتبہ درانداز کی لاش انوپ پورہ سرکاری اسپتال لائی گئی۔ ذرائع نے بتایا کہ اس کے کپڑوں میں کچھ بھی مشتبہ نہیں ملا۔ اب درانداز کی لاش پاکستان کے حوالے کرنے کے لئے بی ایس ایف اور پاکستانی رینجرس میں فلیگ میٹنگ ہونے کا امکان ہے۔