کشمیر میں مختلف مقامات پر این آئی اے کے چھاپے

سری نگر: قومی تحقیقاتی ایجنسی (این آئی اے) نے بدھ کی صبح وادی کشمیر میں مختلف مقامات پر چھاپے مارے۔ سرکاری ذرائع نے بتایا کہ این آئی اے نے سری نگر اور بارہمولہ اضلاع کے مختلف علاقوں میں بدھ کی صبح چھاپے مارے۔ انہوں نے کہا کہ یہ چھاپے فنڈنگ کیس کے سلسلے میں ڈالے جا رہے ہیں۔

ذرائع کے مطابق بارہمولہ میں ظہور احمد ملہ ولد بشیر احمد ملہ کی رہائش گاہ پر چھاپہ مارا گیا جو خود اس وقت اودھم پور جیل میں بند ہے۔ انہوں نے کہا کہ اسی ضلعے کے خواجہ باغ علاقے میں معراج الدین بٹ ولد غلام محمد بٹ کے گھر پر بھی چھاپہ مارا گیا۔

ان کا کہنا تھا کہ سری نگر کے دیون کالونی نشاط میں فیروز احمد شیخ، خالد شیخ، ظہور شیخ فرزندان غلام احمد شیخ جو ہوٹل ہلٹن پہلگام کے مالک ہیں، کے گھر پر بھی چھاپہ مارا گیا۔ مزید تفصیلات کا انتظار ہے۔