’ایس آئی آر کے ذریعہ نریندر مودی اور الیکشن کمیشن مل کر ووٹ چوری کا کھیل کر رہے‘، کانگریس نے پیش کیے ثبوت

ایس آئی آر معاملہ میں کانگریس کو ایک بار پھر مودی حکومت اور الیکشن کمیشن کے خلاف حملہ کرنے کا موقع مل گیا ہے۔ اس بار مشہور انگریزی روزنامہ ’انڈین ایکسپریس‘ کی ایک رپورٹ نے ایس آئی آر کے عمل میں سنگین بے ضابطگی کا انکشاف کیا ہے، جسے کانگریس نے ’ووٹ چوری‘ کا نام دیا ہے۔ معاملہ اتر پردیش کا ہے جہاں سینکڑوں کی تعداد میں نام کاٹنے کے لیے ’فارم 7‘ جمع کیے گئے، لیکن درخواست دہندہ کو تلاش کرنے پر کچھ بھی جانکاری نہیں ملی۔