کانگریس کے سابق صدر راہل گاندھی نے کہا ہے کہ وزیر اعظم نریندر مودی اور ان کی پالیسی نے معیشت کو تباہ کر دیا ہے اور ملک کی معاشی صورتحال بے حد خراب ہوگئی ہے لہٰذا مودی کو اس بارے میں بیان دینا چاہیے۔
Published: undefined
راہل گاندھی نے پارلیمنٹ کے احاطے میں جمعرات کو صحافیوں سے کہا کہ شیئر بازارمیں جو ہو رہا ہے اس سے لاکھوں افراد کا کروڑوں کا نقصان ہوا ہے۔ ہندوستان کی معیشت کو مودی اور ان کی پالیسی نے تباہ کر دیا ہے۔ درست بات یہ ہے کہ انھیں معیشت کی اطلاع نہیں ہے لیکن جو معاشی صورتحال پیدا ہوئی ہے اس کے پیش نظر وزیر اعظم کو معلومات دینی چاہیے۔
Published: undefined
انہوں نےکہا کہ ڈاکٹر منموہن سنگھ نے ملک کی معیشت کو بہترڈھنگ سے چلایا ہے اور اس کی وجہ یہ ہے کہ کانگریس معیشت کو درست ڈھنگ سے سمجھتی ہے۔ معیشت کو کیسے آگےبڑھانا ہے‘کانگریس کو اس کا فہم ہے لیکن مودی یہ نہیں سمجھتے ہیں۔ راہل گاندھی نے کہا کہ سنہ 2008 میں جب پوری دنیا میں کسادبازاری آئی تھی تو ہندوستان نے اس بحران کا بخوبی سامنا کیا۔ اس کی وجہ ہے کہ کانگریس معیشت کو چلانا جانتی ہے۔
Published: undefined
انہوں نے کہا کہ مودی نے نوٹ بندی اور غلط جی ایس ٹی نافذ کرکے معیشت کو جو شدید نقصان پہنچایا وہ اب ناسور بن گیا ہے۔ ملک کو مودی سوچ کے سبب بہت بڑا نقصان پہنچا ہے۔ کورونا وائرس سے متعلق ایک سوال پر انہوں نے کہا کہ اس سمت میں حکومت کو جو اقدامات کرنے چاہئیں تھے وہ نہیں کیے۔ کورونا وائرس ملک میں پھیل رہا ہے لیکن حکومت کے پاس اسے روکنے کے لیے کوئی ٹھوس انتظام نہیں ہے۔ یہ بہت سنگین مسئلہ ہے اور اس سے نمٹنے کے لیے قدم اٹھائے جانے کی ضرورت ہے۔ مسئلہ یہ ہے کہ حکومتِ ہند اس کی حساسیت کو نہیں سمجھ سکی ہے لہٰذا بہت سنجیدہ کوششیں نہیں کی جارہی ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined