قومی خبریں

مودی حکومت کی ناقص پالیسیوں سے سب سے زیادہ اقلیتی طبقہ متاثر ہوا: عمران پرتاپ گڑھی

عمران پرتاپ گڑھی نے اپنے ایک بیان میں کہا کہ ’’جین سماج کو یوپی اے کے دور اقتدار میں ہی اقلیت کا درجہ دیا گیا تھا جو کہ موجودہ بی جے پی حکومت نہیں چاہتی۔‘‘

تصویر یو این آئی
تصویر یو این آئی 

نئی دہلی: موجودہ حکومت میں اقلیتوں کے خلاف جاری رویے پر سخت تنقید کرتے ہوئے آل انڈیا کانگریس کمیٹی شعبہ اقلیت کے سربراہ اور مشہور شاعر عمران پرتاپ گڑھی نے کہا کہ موجودہ حکومت کی ناقص پالیسیوں کے سب سے زیادہ شکار اقلیتی طبقہ کے لوگ ہی ہوئے ہیں جس میں نوٹ بندی، جی ایس ٹی جیسے فیصلے بھی شامل ہیں، جس کا سب سے زیادہ نقصان اور چوٹ جین سماج کو ہی پہنچی۔

Published: undefined

جین سماج کو کانگریس سے قریب لانے کی مہم کے تحت منعقدہ ایک پروگرام میں انہوں نے کہا کہ، موجودہ حکومت کی اقلیتوں کے خلاف پالیسیوں کو لیکر جین سماج کے ذمہ داران کافی ناراض ہیں، انہوں نے کہا کہ جین سماج کو یو پی اے کے دور اقتدار میں ہی اقلیت کا درجہ دیا گیا تھا جو کہ موجودہ بی جے پی حکومت نہیں چاہتی۔

Published: undefined

اقلیتی شعبہ کے قومی صدر نے جین سماج کے ذمہ داران سے خطاب کرتے ہوئے کہا کہ ضرورت اس بات کی ہے کہ کانگریس پارٹی سے جو ڈور ٹوٹ گئی تھی اسے دوبارہ سے جوڑے جانے کی ضرورت ہے۔انہوں نے مزید کہا کہ جین سماج کو اقلیتی شعبہ میں ہر ریاستی کمیٹی اور ضلع کمیٹی سے لیکر بلاک اور بوتھ لیول تک کے کمیٹی میں جگہ دی جائے گی۔ انہوں نے مزید کہا کہ ہم اپنی حصولیابیوں کو عوام میں گنا نہیں پاتے ہیں ضرورت اس بات کی ہے کہ ہم عوام کے بیچ جا کر انہیں موجودہ بی جے پی حکومت اور کانگریس دور حکومت کے بارے میں بتائیں کہ کانگریس حکومت نے اقلیتوں کے لئے جو اقدامات کئے تھے اور انہیں جو حقوق حاصل تھے آج انہیں پامال کرنے کی پوری کوشش کی جا رہی ہے۔ ضرورت اس بات کی ہے کہ پورے ملک میں اس طرح کے پروگرام کئے جائیں تا کہ پارٹی اور سماج کی دوری کو کم کیا جاسکے اور ان کی جو شکایات ہیں ان کے جو مسائل ہیں انہیں حل کیا جائے اور ایک با ضابطہ روڈ میپ تیار کیا جاسکے۔

Published: undefined

اس موقع پر آل انڈیا کانگریس کمیٹی کے خزانچی پون کمار بنسل صاحب نے خطاب کرتے ہوئے کہا کہ اقلیتی شعبہ کی جانب سے اٹھا یا گیا انتہائی اہم قدم ہے۔ انہوں نے مزید کہا کہ میں مانتا ہوں کہ جین سماج اور کانگریس پارٹی کے درمیان تھوڑی سی دوری ہو گئی تھی، اب اس میٹنگ کے بعد سے مجھے ایسا لگتا ہے کہ اب اس دوری کو کم کرنے میں کامیابی ملے گی۔ آپ نے جو قدم اٹھایا ہے یہ میل کا پتھر ثابت ہوگا اور وہ دن دور نہیں جب جین سماج اقلیت نہیں بلکہ اکثریت کی طرح دکھے گا۔

Published: undefined

اس موقع پر اور بھی بہت سی اہم شخصیات موجود تھیں جن میں سابق مرکزی وزیر حکومت ہند پردیب جین، سابق سکریٹری اے آئی سی سی سنجے باپنا، اور سماجی کارکن بابو رام گپتا جیسے اہم لوگوں نے شرکت کر اپنے قیمتی مشوروں نے نوازا اور آگے بھی اقلیتی شعبہ کی ہر ممکن تعاون کی یقین دہانی کرائی۔ اس کے علاوہ اقلیتی شعبہ کے وائس چیئر مین انورودھ للت جین، نیشنل کو آرڈینیٹر آکاش جھاجڈ، شاہنواز شیخ، عبد الواحد قریشی و دیگر ذمہ داران نے اپنی ذمہ داری کو بحسن وخوبی انجادم دیا اور اس پروگرام کو کامیاب بنانے میں اپنا اہم کردار ادا کیا۔

Published: undefined

واضح رہے کہ اقلیتی شعبہ کے قومی صدر عمران پرتاپ گڈھی کی ہدایت کے بعد اقلیتی شعبہ میں موجودہ وائس چیئر مین انورودھ للت جین، و نیشنل کو آرڈینیٹر آکاش چھاجڈ کو یہ ذمہ داری سونپی گئی تھی۔ اس سلسلے میں پورے ملک سے جین سماج سے تعلق رکھنے والے انتہائی اہم لوگوں کودعوت دی گئی تھی۔ اس میٹنگ کا خاص مقصد یہ تھا کہ موجودہ وقت میں جین سماج کی سیاسی اورسماجی مسائل پر از سر نو غوروخوض کیا جائے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined