دہلی سے ملحق غازی آباد کے اندرا پورم واقع جے پوریا مال میں منگل کی دوپہر اچانک زبردست آگ لگ گئی۔ آگ مال کی تیسری منزل میں لگی ہے اور سامنے آئی تصویروں میں آگ کی خطرناکی صاف دیکھنے کو مل رہی ہے۔ مقامی لوگوں نے فائر بریگیڈ محکمہ کو آگ لگنے کی خبر دی جس کے بعد دمکل کی کئی گاڑیاں موقع پر پہنچ گئیں اور آگ بجھانے کا عمل شروع ہو گیا۔ حالانکہ ابھی تک آگ پر پوری طرح سے قابو نہیں پایا جا سکا ہے۔
Published: undefined
لوگوں نے بتایا کہ اوپری منزل میں لگی آگ کافی تیزی کے ساتھ پھیلی اور دیکھتے ہی دیکھتے آگ کی لپٹوں نے خطرناک شکل اختیار کر لی۔ آگ لگنے کی وجہ کا اب تک پتہ نہیں چل سکا ہے۔ فی الحال حادثے میں کسی طرح کے جانی نقصان کی اطلاع نہیں ہے، لیکن معاشی نقصان بڑے پیمانے پر ہوا ہے۔ تصویروں میں صاف دکھائی دے رہا ہے کہ آتشزدگی واقعہ میں مال کی اوپری منزل پر موجود ملکیت جل کر خاک میں تبدیل ہو گئی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined