رافیل معاملہ پر کانگریس کے لیڈر ملکارجن کھڑگے نے مودی حکومت پر حملہ کیا ہے۔ کھڑگے نے کہا کہ ’’مودی حکومت نے سپریم کورٹ میں غلط جانکاری دی ہے۔ حکومت نے سی اے جی رپورٹ سے متعلق سپریم کورٹ میں جھوٹ بولا ہے۔ میں پبلک اکاؤنٹ کمیٹی سے گزارش کر رہا ہوں کہ اٹارنی جنرل کو بلایا جائے اور سی اے جی کے سربراہ سے بھی پوچھ تاچھ کی جائے کہ کب یہ رپورٹ ایوان میں رکھی گیا، کب سی اے جی کے پاس رپورٹ آئی، کب پی اے سی کے پاس یہ رپورٹ آئی اور کب یہ فائنل ہوئی۔‘‘
Published: undefined
کھڑگے نے کہا کہ حکومت نے سپریم کورٹ میں جھوٹ بولا کہ سی اے جی رپورٹ ایوان میں پیش کی گئی ہے اور پی اے سی کے سامنے بھی، اس کے بعد پی اے سی نے اس کی جانچ کی۔ سپریم کورٹ میں حکومت نے کہا کہ یہ جانکاری پبلک ڈومین میں موجود ہے۔ تو حکومت بتائے کہ یہ جانکاری کہاں موجود ہے؟ کیا آپ نے اسے دیکھا ہے؟ انھوں نے آگے کہا کہ مودی حکومت کو عدالت میں جھوٹ بولنے کے لیے معافی مانگنی چاہیے۔
Published: undefined
کانگریس کے سینئر لیڈر کھڑگے نے مزید کہا کہ ’’جمعہ کے روز سپریم کورٹ کا جو فیصلہ آیا ہے اس سے مانا جا سکتا ہے کہ عدالت کے سامنے حکومت نے دلائل کو ٹھیک طریقے سے نہیں رکھے۔ عدالت کو حکومت نے ورغلانے کا کام کیا ہے۔ حکومت نے کہا ہے کہ سی اے جی رپورٹ پیش کی گئی ہے، پی اے سی نے جانچ کی ہے جب کہ ایسا کچھ نہیں ہے۔‘‘ انھوں نے آگے کہا کہ پی اے سی کی جانچ کے وقت ثبوت لیے جاتے ہیں، پیشی ہوتی ہے، سارے اراکین پیش ہوتے ہیں، ایسا کچھ بھی نہیں ہوا ہے۔ مودی حکومت پر ملک کو گمراہ کرنے کا الزام عائد کرتے ہوئے کھڑگے نے کہا کہ جھوٹ پیش کر کے حکومت چیزوں کو صحیح ثابت کرنے کی کوشش کر رہی ہے، اس لیے ہمارا مطالبہ ہے کہ جے پی سی سے اس کی جانچ کرائی جائے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined