سری نگر: محکمہ موسمیات کی پیش گوئی کی عین مطابق ہونی والی بارشوں سے وادی کشمیر میں لوگوں کو شدید گرمی سے راحت نصیب ہوئی ہے۔ ادھر متعلقہ محکمے کے ایک ترجمان نے وادی میں مزید بارشوں کی پیش گوئی کی ہے۔ انہوں نے کہا کہ وادی میں اگلے چوبیس گھنٹوں کے دوران رک رک کر ہلکی سے درمیانی درجے کی بارشوں کا امکان ہے۔ ان کا کہنا تھا کہ وادی میں 27 جون کو بھی رک رک کر بارشیں ہوسکتی ہیں جبکہ جموں میں صبح کے وقت بھاری بارشوں کی توقع ہے۔
Published: undefined
محکمے موسمیات کے ترجمان نے بتایا کہ بعد ازاں وادی میں 28 اور 29 کو بھی موسم کی یہی صورتحال جاری رہ سکتی ہے جبکہ 30 جون کو مطلع ابر آلود رہ سکتا ہے اور شام کے وقت بارشوں کا امکان ہے۔ انہوں نے کہا کہ اس دوران مقامی ندی نالوں میں پانی کے ریلے آسکتے ہیں جبکہ جموں میں کہیں کہیں مٹی کے تودے گر آسکتے ہیں۔ ان کا کہنا تھا کہ دریائوں اور ندی نالوں میں پانی کی سطح بڑھ سکتی ہے۔ لوگوں سے مانسون کے فعال مرحلے کے دوران ہوشیار رہنے کی تاکید کی گئی ہے۔
Published: undefined
محکمہ موسمیات کے مطابق سری نگر میں گزشتہ چوبیس گھنٹوں کے دوران 26.8 ملی میٹر بارش ریکارڈ ہوئی ہے جبکہ قاضی گنڈ میں 50.2 ملی میٹر، پہلگام میں 10.7 ملی میٹر، کپوارہ میں 3.7 ملی میٹر، گلمرگ میں 12.2 ملی میٹر بارش ریکارڈ ہوئی ہے۔ دریں اثنا وادی میں بارشوں کے باوجود شبانہ درجہ حرارت معمول سے زیادہ ریکارڈ ہوا ہے۔ گرمائی دارلحکومت سری نگر میں کم سے کم درجہ حرارت 17.6 ڈگری سینٹی گریڈ ریکارڈ کیا گیا جو معمول سے 0.3 ڈگری سینٹی گریڈ زیادہ ریکارڈ ہوا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم