جموں: جموں و کشمیر کے سرمائی دارالحکومت جموں کے مضافاتی علاقے گھروٹا میں اتوار کی صبح سینٹرل ریزرو پولیس فورس کے ایک اہلکار نے غصے میں آکر اپنی بیوی کا قتل اور سالی کو شدید طور پر زخمی کر دینے کے بعد اپنے آپ پر گولی چلا کر خود کشی کر لی ہے۔ تاہم واقعے میں سی آر پی ایف اہلکار کی آٹھ سالہ بیٹی معجزاتی طور پر بچ نکلنے میں کامیاب ہوگئی ہے۔
Published: undefined
پولیس ذرائع نے واقعے کی تصدیق کرتے ہوئے بتایا کہ 'جموں کے مضافاتی علاقے گھروٹا میں تعینات ایک سی آر پی ایف اہلکار نے اتوار کی صبح اپنی بیوی کا قتل اور اپنی سالی کو شدید زخمی کر دینے کے بعد اپنے آپ پر بھی گولی چلا کر خود کا خاتمہ کر لیا'۔
Published: undefined
انہوں نے کہا کہ 'سیکٹر ہیڈکوارٹرس کے ساتھ منسلک سی آر پی ایف اہلکار کانسٹیبل مدن سنگھ چھب کا اپنی بیوی اور سالی کے ساتھ کسی معاملے پر جھگڑا ہوا جس کے بعد انہوں نے غصے میں آکر اپنی بیوی اور سالی پر گولیاں برسائیں اور انہیں خون میں لت پت دیکھنے کے بعد اپنے آپ پر بھی گولی چلا کر خود کشی کر لی'۔
Published: undefined
پولیس ذرائع نے بتایا کہ فائرنگ کے واقعے میں سی آر پی ایف اہلکار کی بیوی موقع پر ہی دم توڑ گئی جبکہ اس کی بہن کو شدید زخمی حالت میں اسپتال میں داخل کرایا گیا ہے۔ انہوں نے کہا کہ واقعے میں سی آر پی ایف اہلکار کی آٹھ سال بچی بال بال بچ گئی ہے۔ دریں اثنا ایک سی آر پی ایف افسر نے بتایا کہ 'جہاں جموں و کشمیر پولیس نے مقدمہ درج کر کے تحقیقات شروع کردی ہے وہیں ہم نے بھی اپنی سطح پر تحقیقات شروع کی ہے'۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined