سری نگر: جموں وکشمیر نیشنل کانفرنس صوبہ کشمیرکا ایک خصوصی اجلاس آج پارٹی ہیڈکوارٹر نوائے صبح کمپلیکس میں پارٹی صدر ڈاکٹر فاروق عبداللہ کی صدارت میں منعقد ہوا۔ ڈاکٹر فاروق عبداللہ نے اجلاس سے خطاب کرتے ہوئے کہا کہ ہمارے سامنے ایک بہت ہی سخت امتحان ہے، جس کا مقابلہ ہمیں کندھے سے کندھا ملا کر، یک زبان اور یک جُٹ ہوکر کرنا ہے اور اس کے لئے پارٹی کا مضبوط ہونا اولین شرط ہے۔
Published: undefined
انہوں نے کہا کہ نیشنل کانفرنس کو کمزور کرنے کے لئے روز اول سے ہی سازشیں رچائی گئیں اور آج بھی یہ سلسلہ برابر جاری ہے لیکن ہمیں ثابت قدم رہ کر ان سازشوں کا مقابلہ کرنا ہے۔ انہوں نے کہا کہ اس وقت بھی لوگوں کا ضمیر خرید کرنے کے لئے زرکثیر خرچ کیا جا رہا ہے لیکن مجھے اُمید ہے کہ نیشنل کانفرنس کو عوام کا بھر پور تعاون اور اشتراک ملتا رہے گا۔
Published: undefined
اُن کے مطابق ہم نے ماضی میں کتنی ہی سازشوں کا مقابلہ کیا اور کتنے ہی چیلنج دیکھے لیکن یہ عوامی اشتراک اور تعاون ہی تھا جس نے نیشنل کانفرنس کو ہر امتحان میں سرخرو کیا۔ ڈاکٹر فاروق عبداللہ نے کہا کہ ہمیں ذاتی مفادات کو بالائے طاق رکھتے ہوئے قومی مفادات پر نظر مرکوز کرنی چاہئے۔
Published: undefined
ڈاکٹر فاروق عبداللہ نے پارٹی لیڈران اور عہدیداران پر زور دیا کہ وہ لوگوں کے ساتھ قریبی رابطہ رکھیں اور اُن کے مسائل و مشکلات اُجاگر کرنے کے علاوہ ان کا سدباب کرانے میں اپنا رول نبھائیں اور ساتھ ہی نیشنل کانفرنس کے نیا کشمیر منشور اور خصوصی پوزیشن کی بحالی کے لئے جاری جدوجہد سے لوگوں کو آگاہ کریں اور پارٹی کی مضبوطی کے لئے تندہی سے کام کریں۔ انہوں نے کہا کہ جماعت کی مضبوطی سب سے بڑی کامیابی ہے۔ اجلاس میں پارٹی کے نائب صدر عمر عبداللہ، جنرل سکریٹری حاجی علی محمد ساگر، صوبائی صدر ناصر اسلم وانی، زون صدور، ضلع صدور، انچارج کانسچونسیز اور دیگر عہدیداران نے شرکت کی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined