آئی ایس ماڈیول: دہشت گردی کے خلاف این آئی اے کی بڑی کارروائی، 19 مقامات پر چھاپہ ماری

قومی جانچ ایجنسی (این آئی اے) نے پیر کے روز ایک شدت پسند گروپ سے متعلق ملک میں 19 سے زیادہ مقامات پر تلاشی مہم چلائی۔ ایجنسی کے ذرائع نے بتایا کہ صبح سے ہی 19 سے زیادہ مقامات پر تلاشی چل رہی ہے۔ تلاشی مہم ایک اہم آئی ایس دہشت گرد گروپ سے جڑی ہوئی ہے۔

قابل ذکر ہے کہ گزشتہ ہفتہ این آئی اے نے آئی ایس ماڈیول معاملے میں 44 سے زیادہ مقامات پر تلاشی مہم لائی تھی اور 15 لوگوں کو گرفتار کیا گیا تھا۔ تلاشی کے دوران انسداد دہشت گردی جانچ ایجنسی نے بڑی مقدار میں نقدی، اسلحہ، حساس دستاویزات اور مختلف ڈیجیٹل سامان ضبط کیے تھے۔ این آئی اے ایفسران نے جانکاری دی کہ ملزمین غیر ملکی آقاؤں کی ہدایت پر ہندوستان میں کام کر رہے ہیں اور ملک میں دہشت گردانہ سرگرمیوں میں فعال ہیں۔