قومی خبریں

تمل ناڈو میں بی جے پی کو بڑا جھٹکا، ایک معروف دلت لیڈر ڈی ایم کے میں شامل

ونایاگامورتی نے بی جے چھوڑنے کی وجہ بیان نہیں کی ہے لیکن پولیس افسر سے سیاست دان بنے پارٹی کے صدر انامالائی کے کام کرنے کے انداز نے تمل ناڈو بی جے پی یونٹ میں اختلاف پیدا کر دیا ہے

<div class="paragraphs"><p>تصویر آئی اے این ایس</p></div>

تصویر آئی اے این ایس

 

تمل ناڈو میں بھارتیہ جنتا پارٹی (بی جے پی) کے رہنما ایک ایک کر کے پارٹی چھوڑ رہے ہیں۔ اب پارٹی کے ایس سی ونگ کے ریاستی جنرل سکریٹری ونایاگامورتی ڈی ایم کے میں شامل ہو گئے ہیں۔ دلت رہنما، جن کا تعلق درج فہرست ذات ارونتھاتھیار برادری سے ہے، نے کہا کہ وہ ایروڈ ایسٹ ضمنی انتخابات میں ڈی ایم کے امیدوار کی جیت کے لیے کام کریں گے۔ ضمنی انتخاب 27 فروری کو ہونا ہے۔

Published: undefined

آئی اے این ایس سے بات کرتے ہوئے دلت لیڈر نے کہا کہ ایروڈ ایسٹ حلقہ میں 35000 سے زیادہ ارونتھاتھیور رائے دہندگان ہیں اور وہ ڈی ایم کے امیدوار کی تشہیر کے لیے اس حلقے کا سفر کریں گے۔ انہوں نے یہ بھی کہا کہ وہ ڈی ایم کے امیدوار ای وی کے ایس ایلنگوون کی جیت تمل ناڈو کے وزیر اعلی ایم کے اسٹالن سے منسوب کریں گے۔

Published: undefined

اگرچہ ونایاگامورتی نے بی جے پی چھوڑنے کی کوئی وجہ نہیں بتائی لیکن پولیس افسر سے سیاست دان بنے پارٹی صدر انامالائی کے کام کرنے کے انداز نے تمل ناڈو بی جے پی یونٹ میں اختلاف پیدا کر دیا ہے۔ ریاستی بی جے پی صدر کی جانب سے پارٹی کے سینئر لیڈروں کی سرعام تذلیل کرنے کی ماضی میں شکایتیں ہوتی رہی ہیں۔ اس سے پہلے تروچی سوریا نے بی جے پی چھوڑ دی تھی۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined