مہاراشٹر سے عمران پڑتاپ گڑھی ایک اکیلے شاعر نہیں جو راجیہ سبھا کے لیے منتخب ہوئے بلکہ ان سے پہلے بھی مہاراشٹر سے سکندر علی وجد راجیہ سبھاکیلئے اور قاضی سلیم لوک سبھا کیلئے منتخب ہوچکے ہیں۔واضح رہے کہ عمران پرتاپ گڑھ کا نام محمد عمران ہے اور وہ اردو کے معروف شاعر ہیں۔
Published: undefined
عمران 6 اگست 1987 کو اتر پردیش کے پرتاپ گڑھ ضلع میں پیدا ہوئے۔ انہوں نے الہ آباد یونیورسٹی سے تعلیم حاصل کی ہے اور مشاعروں میں بہتر انداز میں اپنا کلام پیش کیااور مشاعرے جیت لیے۔2019 میں مراد آباد لوک سبھانشست سے کانگریس پارٹی سے الیکشن بھی لڑا تھا،لیکن کامیاب نہیں ہوسکے۔
Published: undefined
سکندر علی وجد مہاراشٹر کے شہر اورنگ آباد کے ایک باصلاحیت اردو شاعر تھے۔ انہیں غزل گوئی اور نظموں پر یکساں مہارت حاصل تھی۔سکندر علی وجد کی پیدائش 22 جنوری 1914ء کو ہندوستان کے شہر اورنگ آباد میں ہوئی جو اب صوبہ مہاراشٹر کا حصہ ہے۔ سنہ 1935ء میں حیدرآباد سول سروسز کے لیے ان کا انتخاب ہوا۔ بعد ازاں وہ جوڈیشیل سروسز میں بحیثیت منصف مجسٹریٹ مقرر ہوئے۔ ریٹائرمنٹ کے بعد سیشن جج ہو گئے۔ سنہ 1972ء میں صوبہ مہاراشٹر سے راجیہ سبھا کے لیے بھی منتخب ہوئے۔
Published: undefined
سکندر علی انجمن ترقی اردو کے صدر تھے۔ حکومت مہاراشٹر نے انہیں سنہ 1970ء میں ادبی خدمات کے لیے پدم شری اعزاز سے نوازا۔ پنڈت جواہر لعل نہرو نے ان کے تیسرے مجموعے "اوراق مصور" کا اجرا کیا۔ اس سے قبل ان کے شعری مجموعے "لہو ترنگ"، "آفتاب تازہ" اور "بیاض مریاں" بالترتیب 1944ء، 1952ء اور 1974ء میں شائع ہوئے۔ انہیں اردو، فارسی اور انگریزی زبانوں میں یکساں قدرت حاصل تھی۔ قدرت نے انہیں خوبصورت آواز سے بھی نوازا تھا۔ جب بھی وہ اپنی نظم یا غزل گنگناتے تو سامعین محو ہو جاتے۔ ان کی نظموں اجنتا، ایلورا، تاج محل اور کاروان زندگی بہت مشہور ہیں۔16 جون 1983ء کو اورنگ آباد ہی میں ان کی وفات ہوئی۔ اورنگ آباد کا سکندر علی وجد میموریل ٹرسٹ شہر میں ادبی و ثقاتفی خدمات اور ان کے فروغ کے لیے خاصا مشہور ہے۔ نیز ان کی یاد میں ٹاؤن ہال کے نزدیک ایک آڈیٹوریم بھی بنایا گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا