قومی خبریں

لاک ڈاؤن ضابطوں کو نظر انداز کرنے سے بڑھ سکتے ہیں کورونا وائرس کے معاملے

مرکزی وزارت صحت نے واضح کیا ہے کہ اگر لاک ڈاؤن کے دوران رہنما ہدایات پر عمل نہیں ہوا تو وہاں کورونا انفیکشن کے معاملوں میں اضافہ ہو سکتا ہے اور ایسے میں دوبارہ سے پابندیاں لگائی جا سکتی ہیں۔

تصویر سوشل میڈیا
تصویر سوشل میڈیا 

نئی دہلی: لاک ڈاؤن کے دوران ملک کے کئی حصوں میں رعایت دی جا رہی ہے لیکن اس دوران اگر لوگوں نے سماجی فاصلہ برقرار رکھنے اور صحت کی ضروری دیکھ بھال کی ہدایات پر عمل نہیں کیا تو اب تک جو محنت کی گئی تھی اس کے نتائج بدل سکتے ہیں اور کورونا انفیکشن کے معاملات میں اضافہ ہو سکتا ہے۔

Published: 05 May 2020, 6:11 PM IST

امریکہ میں یہی ہوا ہے اور لاک ڈاؤن کے دوران لوگوں نے ضروری رہنما ہدایات پر عمل نہیں کیا جس کا نتیجہ وہاں کیسوں کی تعداد میں اضافہ کے طور پر دیکھنے کو مل رہا ہے۔ راجدھانی دہلی میں شراب کی دکانیں کھولنے کے بعد جس طرح کی بھیڑ نکلی اسے کنٹرول کرنے کے لئے پولیس فورسز کو خاصی محنت کرنی پڑی اور جس طرح سے دھکا مکی ہوئی تھی اس سے اندازہ لگایا جا سکتا ہے کہ ان میں اگر کورونا کے کچھ مشتبہ مریض ہوئے تو انہوں نے کتنے لوگوں کو متاثر کیا ہوگا۔

Published: 05 May 2020, 6:11 PM IST

کئی رہنماؤں اور ڈاکٹروں نے حکومت کے اس فیصلے کی مذمت بھی کی ہے۔ کچھ لوگوں کا یہ بھی کہنا ہے کہ ایک طرف وزارت داخلہ عوامی مقامات پر تھوکنے پر لوگوں پر جرمانہ لگانے کا التزام کررہی ہے لیکن پان اور گٹکھے کی دکانوں کو کھولنے کی اجازت دے دی ہے تو لوگ سڑکوں پر پان اور گٹکھا کی پیک تھوکیں گے جس کے سبب انفیکشن میں اضافہ سے انکار نہیں کیا جا سکتا۔

Published: 05 May 2020, 6:11 PM IST

مرکزی وزارت صحت نے واضح کیا ہے کہ لاک ڈاؤن کے دوران جن علاقوں میں چھوٹ دی گئی ہے اگر وہاں لوگ سماجی فاصلے اور صحت دیکھ بھال کی رہنما ہدایات پر عمل نہیں کریں گے تو وہاں کوروناوائرس ’كووڈ -19‘ کے انفیکشن کے معاملوں میں اضافہ ہو سکتا ہے اور ایسے میں دوبارہ سے پابندیاں لگائی جا سکتی ہیں۔

Published: 05 May 2020, 6:11 PM IST

وزارت صحت کے ترجمان لو اگروال نے پیر کے روز پریس کانفرنس میں کہا تھا کہ لاک ڈاؤن کے دوران ملک کے کئی حصوں میں رعایت دی جا رہی ہے لیکن اس دوران اگر لوگوں نے سماجی فاصلہ برقرار رکھنے اور صحت کی دیکھ بھال کی ضروری ہدایات پر عمل نہیں کیا تو اب تک جو محنت کی گئی تھی اس کے نتیجے بدل سکتے ہیں اور کورونا انفیکشن کے معاملوں میں اضافہ ہو سکتا ہے۔ لہذا سب کی ذمہ داری ہے کہ وہ کہیں بھی آتے جاتے وقت رہنما ہدایات پر عمل کریں اور اپنی ذمہ داری سمجھتے ہوئے معاشرے اور قوم کے تئیں اپنا کردار ادا کریں۔

Published: 05 May 2020, 6:11 PM IST

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: 05 May 2020, 6:11 PM IST