گوالیار: حال ہی میں تقسیم ہند کو عظیم درد قرار دینے والے آر ایس ایس کے سربراہ موہن بھاگوت نے اب کہا ہے کہ اگر بھارت کو بھارت رہنا ہے تو بھارت کو ہندو رہنا ہی پڑے گا۔ انہوں نے مزید کہا کہ ہندو کو ہندو رہنا ہے تو بھارت کو ’اکھنڈ‘ (اٹوٹ) رہنا ہی پڑے گا۔ یہ بیان انہوں نے مدھیہ پردیش کے شہر گوالیار میں منعقدہ ایک تقریب سے دیا۔
Published: undefined
خیال رہے کہ موہن بھاگوت اکثر یہ بیان دیتے رہے ہیں کہ ہندوستان میں رہنے والا ہر شہری ہندو ہے اور ہندوؤں اور مسلمانوں کی آبا و اجداد ایک ہی ہیں۔ اپنے تازہ بیان میں انہوں نے کہا کہ یہ ہندوستان ہے اور یہاں پر رہنے والے ہندو یہاں کی روایات پر عمل کرتے چلے آ رہے ہیں۔ جو بات بھی ہندو کہتے ہیں وہ تمام باتین اسی سرزمین پر پیدا ہوئی ہیں۔ بھارت کی تمام باتیں بھارت کی سرزمین سے وابستہ ہیں اور یہ کوئی اتفاق نہیں ہے۔
Published: undefined
آر ایس ایس کے سربراہ موہن بھاگوت نے کہا کہ ہندو کے بغیر بھارت نہیں ہے اور بھارت کے بغیر ہندو۔ بھارت تقسیم ہوا اور پاکستان وجود میں آیا، وہ اس لئے کیونکہ ہم اس حقیقت کو بھول گئے کہ ہم ہندو ہیں، وہاں کے مسلمان بھی بھول گئے۔ خود کو ہندو ماننے والوں کی پہلے طاقت کم ہوئی، پھر تعداد کم ہوئی، اس لئے پاکستان بھارت نہیں رہا۔
Published: undefined
اس سے پہلے نوئیڈا میں ایک کتاب کی رسم اجرا کے موقع پر موہن بھاگوت نے کہا تھا کہ تقسیم کوئی سیاسی سوال نہیں ہے، بلکہ یہ وجود کا سوال ہے۔ ہندوستان کی تقسیم کی تجویز قبول ہی اس لئے کی گئی تھی تاکہ خون کے دریا نہ بہائے جائیں لیکن اس کے برعکس جب سے اب تک کہیں زیادہ خون بہہ چکا ہے۔
Published: undefined
آج تک کی رپورٹ کے مطابق آر ایس ایس سربراہ نے کہا کہ ہندوستان کی تقسیم اس وقت کے حالات سے زیادہ اسلام اور برطانوی حملہ کا نتیجہ تھا۔ حالانکہ گرو نانک نے اسلامی حملے کے بارے میں ہمیں پہلے ہی آگاہ کیا تھا۔ انہوں نے کہا تقسیم ہند کوئی حل نہیں ہے اور اس سے کوئی بھی خوشحال نہیں ہے۔ اگر تقسیم کو سمجھنا ہے تو ہمیں اُس وقت کو سمجھنا ہوگا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم