قومی خبریں
گیان واپی مسجد تنازعہ: ’شیو لنگ‘ سے متعلق عرضی پر آج سماعت کرے گا سپریم کورٹ
وارانسی کی گیانواپی مسجد میں 'شیولنگ' ہونے کا دعویٰ کیے جانے کے بعد علاقے کی حفاظت سے متعلق عبوری حکم میں توسیع کے معاملے پر سپریم کورٹ آج سماعت کرنے جا رہا ہے
نئی دہلی: وارانسی کی گیانواپی مسجد میں 'شیولنگ' ہونے کا دعویٰ کیے جانے کے بعد علاقے کی حفاظت سے متعلق عبوری حکم میں توسیع کے معاملے پر سپریم کورٹ آج سماعت کرنے جا رہا ہے۔ چیف جسٹس ڈی وائی چندر چوڑ کی سربراہی والی بنچ نے گزشتہ روز 'خصوصی تذکرہ' کے دوران وکیل وشنو شنکر جین کی عرضی کو قبول کرتے ہوئے کہا کہ اس معاملے کی سماعت جمعہ کو سہ پہر 3 بجے ہوگی۔
Published: undefined
بنچ کے سامنے ایڈوکیٹ وشنو جین نے متعلقہ علاقے کی سیکورٹی سے متعلق عبوری حکم کے 12 نومبرکو ختم ہونے کی معلومات کا حوالہ دیتے ہوئے اس کی توسیع کی درخواست پر سماعت کرنے کی التجا کی۔ چیف جسٹس چندر چوڑ نے کہا، ’’ہمیں ایک بنچ تشکیل دینا ہے۔ کل سہ پہر 3 بجے سماعت کے لیے بنچ تشکیل دی جائے گی۔
Published: undefined
سپریم کورٹ نے اترپردیش کے وارانسی میں گیان واپی مسجد کے صحن میں 'شیولنگ' ملنے کے دعویٰ کے بعد متعلقہ فریقوں کی درخواستوں پر سماعت کرتے ہوئے17 مئی کو اس متنازعہ علاقے کا تحفظ یقینی بنانے کا عبوری حکم جاری کیاتھا، جس کی مدت جمعہ کو ختم ہورہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined