جموں: جموں وکشمیر نیشنل پنتھرس پارٹی کے چیئرمین ہرش دیو سنگھ نے کہا ہے کہ جموں و کشمیر میں پچھلے دروازے سے بنائی جانے والی سرکار کے بے حد خطرناک نتائج بر آمد ہوں گے۔ انہوں نے کہا کہ اس قسم کے تجربے سے سیکورٹی فورسز کی طرف سے جموں وکشمیر میں امن وسکون بحال کرنے کی کوششیں رائیگاں ہوں گی۔
Published: undefined
بتادیں کہ جموں وکشمیر میں حکومت سازی کی افوائیں گرم ہیں اور بتایا جارہا ہے کہ جموں وکشمیر اپنی پارٹی کے صدر سید محمد الطاف بخاری کو عبوری وزیر اعلیٰ مقرر کیا جائے گا۔ تاہم مذکورہ پارٹی نے ان افواہوں کو بے بنیاد قرار دیا ہے۔
Published: undefined
پنتھرس پارٹی کے چیئرمین نے یہاں ایک پریس کانفرنس کے دوران کہا: 'جموں وکشمیر میں چور دروازے سے جو سرکار بنانے کی باتیں کی جارہی ہیں اس کے خطرناک نتائج برآمد ہوں گے، اگر اس قسم کا کوئی تجربہ کیا گیا تو جموں وکشمیر میں سیکورٹی فورسز کی طرف سے امن و سکون کی بحالی کی کوششیں رائیگاں ہوں گی'۔
Published: undefined
انہوں نے کہا کہ پنتھرس پارٹی اس کی سخت مخالفت اور مذمت کرے گی۔ ہرش دیو نے کہا کہ جن لوگوں کے ہاتھوں میں سرکار دینے کی باتیں ہو رہی ہیں ان کا رول مشکوک رہا ہے۔ ان کا کہنا تھا: 'جن لوگوں کے حوالے سرکار دینے کی باتیں ہو رہی ہیں ان پر کئی الزامات پہلے بھی لگ گئے ہیں، یہ وہ لوگ ہیں جو پارٹیاں بدلتے رہتے ہیں اور اب ان لوگوں نے بی جے پی کے قدموں میں آکر سرینڈر کیا ہے'۔
Published: undefined
موصوف چیئرمین نے کہا کہ اگر یہاں سرکار بنانی ہے تو وہ ایک جمہوری عمل سے بن جانی چاہیے اور اس کے لئے باقاعدہ الیکشن ہونے چاہیے۔ انہوں نے کہا جموں وکشمیر میں دو برسوں سے جمہوری حکومت نہیں بنائی جارہی ہے۔ پانچ اگست کے بعد کہا گیا تھا کہ اسمبلی نشستوں کی حد بندی کرنے کے بعد انتخابات کرائے جائیں گے لیکن دس ماہ بیت جانے کے بعد بھی کوئی پہل نہیں کی گئی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined