قومی خبریں

پنجاب میں لڑکی کا سرعام گولی مار کر قتل، علاقے میں سنسنی، ملزمین کی تلاش میں چھاپے مار رہی پولیس

جائے وقوعہ سے گولیوں کے خول اور دیگر شواہد اکٹھے کر لیے گئے ہیں۔ حملہ آوروں کی شناخت اور ان کے موٹر سائیکل نمبر کا پتہ لگانے کے لیے قریبی علاقوں کی سی سی ٹی وی فوٹیج کی جانچ کی جا رہی ہے۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

 

 پنجاب کے ضلع ترن تارن میں دل دہلا دینے والا واقعہ پیش آیا ہے۔ رسول پور نہر کے قریب سڑک کنارے کھڑی ایک لڑکی پر نامعلوم موٹر سائیکل سوار حملہ آوروں نے تابڑ توڑ فائرنگ کر دی جس سے موقع پر ہی اس کی موت ہوگئی۔ دن دہاڑے پیش آنے والی اس واردات سے پورے علاقے میں خوف و ہراس پھیل گیا ہے۔

Published: undefined

عینی شاہدین کے مطابق لڑکی سڑک کے کنارے کھڑی تھی کہ اچانک موٹر سائیکلوں پر سوار دو تین نوجوان وہاں پہنچے۔ انہوں ایک لفظ کہے بغیر لڑکی پر فائرنگ کردی اور تیزی سے فرار ہوگئے۔ گولی لگتے ہی متاثرہ زمین پر گرگئی۔ راہگیروں نے اسے فوری طور پر قریبی اسپتال پہنچایا لیکن وہاں پہنچنے پر ڈاکٹروں نے اسے مردہ قرار دے دیا۔

Published: undefined

واقعہ کی اطلاع ملتے ہی ترن تارن پولیس کی ٹیمیں فوری طور پر جائے وقوعہ پر پہنچیں۔ پولیس نے علاقے کو گھیرے میں لے کر تفتیش شروع کر دی۔ جائے وقوعہ سے گولیوں کے خول اور دیگر شواہد اکٹھے کر لیے گئے ہیں۔ حملہ آوروں کی شناخت اور ان کے موٹر سائیکل نمبر کا پتہ لگانے کے لیے قریبی علاقوں کی سی سی ٹی وی فوٹیج کی جانچ کی جا رہی ہے۔

Published: undefined

اے بی پی نیوزکے مطابق پولیس حکام کا کہنا ہے کہ ابتدائی تحقیقات سے معلوم ہوتا ہے کہ واقعہ ذاتی دشمنی، معاشقہ یا پرانے تنازع سے جڑا ہوا ہے۔ حالانکہ تمام امکانات کی سنجیدگی سے چھان بین کی جا رہی ہے۔ متاثرہ کی تاحال شناخت نہیں ہوسکی ہے تاہم مقامی لوگوں کا کہنا ہے کہ وہ اسی علاقے کی رہنے والی تھی۔ اس کی موت کی خبر پھیلتے ہی اہل خانہ اور رشتہ داروں میں کہرام مچ گیا۔ پورے علاقے میں خوف و ہراس کا ماحول ہے۔ لوگوں نے پولیس سے جلد ملزمین کو گرفتار کرنے کا مطالبہ کیا ہے۔

Published: undefined

پولیس کا کہنا ہے کہ حملہ آوروں کی تلاش کے لیے خصوصی ٹیمیں تشکیل دے دی گئی ہیں۔ نہر کے آس پاس اور اطراف کے مواضعات میں چھاپے مارے جا رہے ہیں۔ ایس ایس پی ترن تارن نے یقین دلایا کہ ملزمین کو جلد گرفتارکرلیا جائے گا اور کیس کی گہرائی سے تفتیش کی جا رہی ہے۔ پولیس کی اضافی نفری تعینات کرکے علاقے میں سیکورٹی بڑھا دی گئی ہے۔ پولیس اور انتظامیہ ہر سطح پر معاملے کی سنجیدگی سے تحقیقات کر رہی ہیں تاکہ حملہ آوروں کو جلد سے جلد گرفتار کیا جا سکے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined