گینگسٹر وکاس دوبے کا انکاؤنٹر جمعہ کی صبح ہونے کے بعد بوقت شام اس کی آخری رسومات بھی ادا کر دی گئیں۔ بتایا جاتا ہے کہ جب اسے الیکٹرک کریمیٹوریم میں ڈالا گیا تو بیوی رچا دوبے اور اس کا چھوٹا بیٹا شانو موجود تھا لیکن بڑا بیٹا آکاش نہیں تھا۔ جمعہ کی شب ڈرا سہما آکاش لکھنؤ میں اپنی دادی سرلا دوبے سے ملنے کے لیے پہنچا۔ سرلا کرشنا نگر میں اپنے بیٹے دیپ پرکاش دوبے کے گھر میں رہتی ہیں اور آکاش یہیں پہنچا تھا، لیکن اس سے پہلے کہ وہ اپنی دادی سے ملاقات کر پاتا مقامی پولس وہاں پہنچ گئی اور اپنے ساتھ لے گئی۔
Published: 11 Jul 2020, 10:56 AM IST
کچھ میڈیا ذرائع کے مطابق وکاس دوبے کا بڑا بیٹا آکاش بیرون ملک میں ایم بی بی ایس کر رہا ہے اور جمعہ کی رات ہی وہ لکھنؤ میں کرشنا نگر علاقہ میں پہنچا اور دادی سے ملنے کے لیے چچا کے گھر پہنچا تھا۔ اس دوران وہ کافی گھبرایا ہوا نظر آ رہا تھا۔ میڈیا کے ذریعہ پوچھے گئے کسی سوال کا اس نے جواب بھی نہیں دیا۔ بتایا جاتا ہے کہ وہ مکان میں داخل ہوتا، اس سے پہلے ہی پولس پہنچ گئی اور اسے اپنے ساتھ لے کر چلی گئی۔
Published: 11 Jul 2020, 10:56 AM IST
واضح رہے کہ وکاس دوبے کے تین بھائی اور تین بہنیں تھیں۔ بھائیوں میں وکاس سب سے بڑا تھا۔ سب سے چھوٹے بھائی اویناش دوبے کا قتل پہلے ہی ہو چکا ہے جب کہ دیپو دوبے کے بارے میں پتہ نہیں ہے کہ وہ اس وقت کہاں ہے۔ وکاس کے والد رام کمار اس وقت بکرو گاؤں میں رہتے ہیں جب کہ سرلا دوبے لکھنؤ میں رہتی ہیں۔ وکاس دوبے کی بہنیں بٹّن، کرن اور ریکھا ہیں۔ بٹّن کی شادی شیولی میں ہوئی ہے، کرن کی شادی اناؤ میں ہوئی ہے اور ریکھا رام پور میں بیاہی گئی ہے۔ بتایا جاتا ہے کہ کرن اور ریکھا کی موت ہو چکی ہے جب کہ بٹّن باحیات ہے۔
Published: 11 Jul 2020, 10:56 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 11 Jul 2020, 10:56 AM IST