زرمبادلہ کے ذخائر 1.42 ارب ڈالرکم ہوکر 631.52 ارب ڈالر رہ گئے

قومی معیشت پہلے کورونا اور اب روس یوکرین جنگ سے بری طرح اثر انداز ہوئی ہے اور اس کی بہتری کی کوئی صورت نظر نہیں آ رہی ۔ حکومت کی توجہ بھی انتخابی سیاست پر زیادہ ہے اور معیشت کے استحکام کے لئے کوئی ٹھوس قدم نہیں اٹھایا جا رہا ۔

ملک کےغیرملکی زرمبادلہ کے ذخائر 25 فروری کواختتام پزیرہونے والے ہفتے میں 1.42 ارب ڈالر کم ہو کر 631.52 ارب ڈالر رہ گئے، جو کہ گزشتہ ہفتے میں 2.76 ا رب ڈالر کے اضافے کے ساتھ 632.95 ارب ڈالر تھے۔

ریزروبینک کی طرف سے کل جاری کردہ ہفتہ واراعداد و شمار کے مطابق25فروری کواختتام پزیر ہونے والے ہفتے میں غیر ملکی زرمبادلہ کے ذخائر کا سب سے بڑا جزو غیر ملکی کرنسی کے اثاثے 25 2.22 ارب ڈالر کم ہو کر 564.83 ارب ڈالر رہ گئے۔ اسی دوران سونے کے ذخائر 95.80 ارب ڈالر بڑھ کر 42.46 ارب ڈالر ہو گئے۔

زیر جائزہ ہفتے میں اسپیشل ڈرائنگ رائٹس (ایس ڈی آر) 1.22 ارب ڈالر کم ہو کر 19.04 ارب ڈالرپراور انٹرنیشنل مانیٹری فنڈ (آئی ایم ایف) کے پاس ریزرو فنڈ 3.4 کروڑ ڈالر کم ہو کر 5.18 ارب ڈالر رہ گیا ۔