نئی دہلی: الیکشن کمیشن نے اسمبلی انتخابات کی تشہیر کے لیے روڈ شو، پد یاترا، سائیکل، موٹر سائیکل اور گاڑیوں کی ریلیوں پر لگائی گئی پابندی کی مدت بڑھا دی ہے، تاہم انتخابی ریلیوں پر پابندی میں کچھ رعایت دی ہے، اتوار کو ایک پریس ریلیز میں کمیشن نے کہا کہ کھلے عام اجتماعات، بند عمارتوں میں اجتماعات اور ریلیوں کے حوالے سے پابندیوں میں مزید نرمی کی گئی ہے، لیکن بند آڈیٹوریم کی 50 فیصد گنجائش اور کھلے میدان کی 30 فیصد گنجائش کے ساتھ اس میں لوگ شامل ہوسکتے ہیں۔
Published: undefined
الیکشن کمیشن نے کہا کہ 20 افراد کی ڈور ٹو ڈور مہم کی حد پہلے کی طرح ہی رہے گی۔ انتخابی مہم پر پابندی کا اطلاق رات 8 بجے سے صبح 8 بجے تک ہوگا۔ کمیشن نے 5 فروری کو صحت کے سکریٹری راجیش بھوشن کے ساتھ انتخابی ریاستوں میں کووڈ کی صورتحال کے بارے میں جائزہ میٹنگ کی۔ انتخابی ریاستوں کے چیف سکریٹریوں نے کورونا کے کیسز میں مسلسل کمی اور مثبتیت کی شرح کو دیکھتے ہوئے مشورہ دیا تھا کہ انتخابی مہم کے لیے کچھ نرمی دی جا سکتی ہے۔ اس کے پیش نظر براہ راست عوامی جلسوں کے قوانین میں کچھ اضافی چھوٹ دینے کا فیصلہ کیا گیا ہے۔
Published: undefined
اس سے قبل کمیشن نے 15 جنوری، 22 جنوری اور 31 جنوری کو براہ راست انتخابی مہم کے اجلاسوں کو بعض ضابطوں کے تحت مستثنیٰ قرار دیا تھا۔ ملک کی پانچ ریاستوں یعنی اتراکھنڈ، اتر پردیش، گوا، منی پور اور پنجاب میں اسمبلی انتخابات ہونے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined