بالی ووڈ کی خوبصورت اداکارہ دیپیکا پادوکون اور مست مولا اداکار رنویر سنگھ اپنی شادی کے لیے اٹلی روانہ ہو گئے ہیں۔ دیپیکا اور رنویر کی شادی اٹلی کے ’لیک کومو‘ میں 14 اور 15 نومبر کو ہوگی۔ ذرائع کے مطابق اس شادی میں صرف ان کے نزدیکی دوست اور فیملی کے کچھ لوگ ہی شامل ہوں گے۔ اس کے بعد دیپیکا-رنویر کی شادی کا ولیمہ ممبئی اور بنگلورو میں ہوگا۔
ائیر پورٹ پر دونوں ایک دوسرے کے ساتھ بہت خوبصورت نظر آ رہے تھے۔ رنویر سنگھ جہاں سفید رنگ کے روایتی لباس میں تھے وہیں دیپیکا نے سفید رنگ کا اسکرٹ پہنا ہوا تھا۔ ائیر پورٹ پر دیپیکا پادوکون زیادہ وقت رنویر کے والد جگجیت سنگھ بھگنانی، ماں انجو بھگنانی اور بہن ریتیکا بھگنانی کے ساتھ نظر آئیں۔
Published: 10 Nov 2018, 9:09 PM IST
قابل ذکر ہے کہ دیپیکا پادوکون اور رنویر سنگھ چھ سال سے ایک دوسرے کو ڈیٹ کر رہے تھے لیکن انھوں نے کبھی بھی اپنے رشتے کے بارے میں کھل کر بات نہیں کی۔ انھوں نے کئی مہینوں سے چل رہی قیاس آرائیوں کو اس وقت ختم کیا جب دونوں نے سوشل میڈیا پر اپنی شادی کی تاریخوں کا اعلان کیا۔
یہاں یہ بات بھی غور کرنے والی ہے کہ دیپیکا اور رنویر نے کچھ دنوں پہلے ہی اپنی شادی کا کارڈ سوشل میڈیا پر شیئر کرتے ہوئے بتایا تھا کہ وہ 14 اور 15 نومبر کو اٹلی میں شادی کریں گے۔ 14 نومبر کو ساؤتھ انڈین رسم کے مطابق دونوں کی شادی ہوگی اور اس کے بعد 15 نومبر کو سندھی رسم سے دونوں دوبارہ شادی کریں گے۔ دراصل دیپیکا کا تعلق جنوبی ہندوستان سے ہے جب کہ رنویر کی فیملی کا تعلق سندھ سے ہے۔ یہی سبب ہے کہ دونوں دو بار شادی کریں گے۔
Published: 10 Nov 2018, 9:09 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 10 Nov 2018, 9:09 PM IST
تصویر: محمد تسلیم
تصویر: سوشل میڈیا